151.
1326. (Győr.) 30. Oct. – Capitulum Jaurinen., partem quandam terrae Csukárfölde, ad ecclesiam Posoniensem pertinere, altestatur.
Tenorem vid. sub. nr. 160.

152.
1326. Visegrád. 31. Oct. – Carolus I. rex, possessionem Kovácsi, per capitulum Strigon., civitati Strigon. statui iubet.
Tenorem vide sub. nr. 159.

153.
1326. – 1. Nov. – Praepositus et capitulum b. Martini de Scepus., fundationem Carthus. de Lechnicz, per magistr. Kakas factam et auctam, comprobant.
Magister Johannes, prepositus ecclesie beati Martini in Scepus, ac venerabilis in Christo patris, ac domini B.[oleslai], Dei gracia archiepiscopi Strigoniensis, locique eiusdem comitis perpetui, cancellarius et vicarius generalis; omnibus Christi fidelibus quibus presentes ostenduntur, salutem in eo, qui est omnium vera salus. Cum piis desideriis et salubribus peticionibus dignum sit benivolum auditum adhibere, maxime que ad divini cultus pertinere videntur incrementum, hinc est quod ad universorum noticiam harum serie litterarum volumus pervenire: quod accedens ad nostram presenciam nobilis vir magister Kokos, filius quodam Rycolphi de Lomnyz in Scepus, amicus noster specialis., nobis enarrare curavit, quod divina instigatus gracia, ob remedium suorum peccatorum, de licencia et favore illustris domini Karoli, Dei gracia regis Hungarie, villulam quandam Lechnyz vocatam una cum fundo, pro fundacione claustri quod Vallis Sancti Anthonii prope Doneyz nuncupatur, religiosis viris fratribus ordinis Carthusiensis, liberaliter contulisset; sed quia hec predictis fratribus, pro congrua necessitate sustentacionis minime sufficere viderentur, ne contra statuta sanctorum patrum, ac consuetudinem ordinis sui, ipsos discurrendo mendicare contingeret, ius patronatus quantum ad collacionem ecclesie et presentacionem pastoris, ad ecclesiam beati Bartholomei apostoli in Nysnyz, tamquam verus et legittimus patronus (emansit: habere dignoscitur), eiusdem ordini ac fundacioni predicte, benevole per collacionem addidisset, petens nos humiliter, pariter et devote, quatenus divine remuneracionis intuitu, ac omnium bonorum spiritualium, que Domino ipspirante in loco predicto, ac toto ordine fient participacione, tam pie et salubri donacioni consensum preberemus pariter et assensum; ac ampliori eos gracia, ex benignitate paterna, in collacione decimarum prosequi dignaremur, salvo tamen iure prepositali et iudiciorum spiritualium, ac homicidiorum per omnia et complete. Nos vero, qui ex officio suscepti regiminis, circa zelum domus Dei tenemur fore graciosi, ac eciam sacram religionem plantare et fovere, prout possibilitas nostra valuerit modis omnibus intendimus, consideratis preter ea peticiones prefati magistri Kokos fore iustas, consonasque racioni, secundum decreta et sanctorum patrum sancciones, predictam ecclesiam beati Bartholomei apostoli in villa Nysnyz, prope Doneyz situatam, cum omni iure decimarum, ordini prefato ac domui Vallis Sancti Anthonii, de consilio fratrum