Wysagrad et comes de Pylis, dilectus et fidelis noster, ad nostre serenitatis accedens presenciam, confessus extitit oraculo vive vocis: quod quandam possessionem suam, in comitatu Strigoniensi existentem, Nirmal vocatam, cum omnibus suis utilitalibus et pertinenciis universis, sub hys metis et terminis quibus per ipsum habita extitit et possessa, per nos, mediantibus litteris nostris privilegialibus, pro meritoriis suis serviciis donatam et concessam vendidisset, et tradidisset, pro quinquaginta marcis denariorum, plene ab eodem receptorum, ut dixerunt, Olar, filio Benedicti, de Posaga, et per eum suis heredibus, heredumque suorum successoribus, iure perpetuo possidendam, tenendam pariter et habendam, ex nostra permissione et licencia speciali: tam pro dictis quinquaginta marcis, quam pro fidelissimis serviciis eiusdem, que sibi a puericia sua, usque in hec tempora, cum fervore solicitudinis exibuit et inpendit, totum ius dominii, quod idem magister Stephanus in dicta possessione habebat, in ius et proprietatem ipsius deinceps transferendo et ipsum privilegium, mediante quo a nobis optinuerat, in manus eiusdem, coram nobis, in maiorem rei certitudinem assignavit. In cuius rei, seu vendicionis, ac empcionis testimonium, ut noster ascensus (sic!) ibi plene habeatur, presentes concessimus litteras privilegiales dupplicis sigilli nostri munimine roboratas. Datum per manus discreti viri magistri Endree, Albensis ecclesie prepositi, aule nostre vicecancellarii dilecti et fidelis nostri, anno Domini millesimo CCC-o XX-mo sexto, quinto Kallendas Decembris,[81] regni autem nostri similiter XX-mo sexto. Venerabilibus in Christo patribus dominis: Bolezlao Strigoniensi, eiusdemque loci comite perpetuo et fratre Ladislao Colocensi, aule nostre cancellario, archiepiscopis; Johanne Nitriensi, Benedicto Chanadiensi, Nicolao Jauriensi, Ladislao Quinqueecclesiensi, fratre Petro Boznensi, Iwanka Waradyensi, Georgio de Sancto Ireneo, Andrea Transsiluano, Herrico Wesprimiensi, aule domine regine cancellario et Chanadino Agriensi, ecclesiarum episcopis. Magnificis viris Phylipo palatino, comite de Scepus et de Vyuar; Demetrio magistro tavarnicorum nostrorum et comite Bachyensi et de Trinchin; comite Alexandro, iudice curie nostre; Thoma voeuada (sic!) Transsiluano et comite de Zonuk; Micck (sic!) bano tocius Sclauonie; Paulo bano de Machow et comite de Budrugh; magistro Deseu iudice curie domine regine; magistro Stephano magistro agasonum nostrorum et castellano de Veruskw; magistro Nicolao comite Posoniensi, et aliis quam pluribus, regni nostri comitatus tenentibus et honores.
Extus manu medii aevi: Privilegium possessionis Nir, quomodo per Stephanum dictum Saphar, Alard vendita et donata fuit. – Fragmen sigilli e rubro et viridi serico pendet. – Orig. membr., in Arch. Cap. Strigon. Priv. Lad. 29. fasc. 1. nr. 5.

159.
1326. 2. Decemb. – Carolus I. rex, possessionem Kovácsi, vicinam Strigonio, in praemium fidelitatis, civitati Strigoniensi donat.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac montis sancti Angeli, dominus. Universis Christi fidelibus, presentibus et futuris, presencium noticiam habituris, salutem in omnium Salvatore. Cum in multitudine plebis robor (sic!) regum et gloria attendatur et acrescat, merito regalis decrevit

[81] 1326. 27. Nov.