ad mandatum et preceptum excellentissimi principis, domini Karoli, Dei gracia illustris regis Hungarie, domini nostri, de restituendis possessionibus ecclesie Posoniensis, nobis per suas litteras patentes factum et commissum, nobilem virum Nicolaum, filium Eleek de citra Waag, hominem nostrum et Dominicum filium Damiani de Beel, iobagionem castri Posoniensis, ad reambulandas et restituendas possessiones et terras ecclesie Posoniensis, in comitatu Posoniensi existentes, et contradictores, si qui aparerent ad nostram citandos presenciam, una cum discreto viro magistro Nicolao preposito Posoniensi, misissemus; iidem Nicolaus et Dominicus ad nos demum reversi, nobis concorditer retulerunt: quod cum ipsi quatuor particulas possessionum, seu terrarum ecclesie Posoniensis, videlicet unam que Beel vocatur, cum vineis inter metas seu terminos eiusdem terre, in monte qui antiquitus mons Glyris vocabatur, plantatis et existentibus inter possessiones similiter Beel vocatas et ecclesiam sancti Nycolai de Semchz existentem; et aliam Kuze nominatam, inter villam similiter Kvze dictam et ecelesiam sancti Jacobi existentem; terciam Obka vocatam inter ecclesiam seu villam Sancti Mychaelis, et terram, seu arbores piri cuiusdam hominis, quondam Merche vocati, existentem; et quartam terram, Toxun dictam, que est inter villam Slanta et terras Leopoldi de Paka, Nicolai quondam dicti Bud, filiorum Nycolai, filii Iwanka et Ladyzlai filii Salomonis existentem, convocatis omnibus vicinis et commetaneis, per rnetas seu terminos et distincciones antiquas reambulassent; et nullus contradictor, seu prohibens apparuisset, predictas quatuor particulas possessionum et terrarum, cum omnibus utilitatibus et pertinenciis suis statuissent eidem preposito et ecclesie Posoniensi, pacifice tenendas et possidendas. Nos vero, dictis eorumdem Nicolai et Dominici, fidem plenam adhibentes, cum idem prepositus manifeste ad scitum quasi omnium nobilium et aliorum hominum comitatus Posoniensis, super reambulacione et restitucione predictarum terrarum et aliarum possessionum dicte ecclesie Posoniensis, debito modo et ordine processisset, et quia eciam contra eundem prepositum et capitulum Posoniense nullus (expunct.: eciam) coram nobis apparuit contradictor et agens, restitucionem dictarum quatuor terrarum, per eosdem Nycolaum et Dominicum factam, auctoritate dicti domini regis approbantes et confirmantes, presentes eisdem preposito et capitulo, in predictorum omnium testimonium et firmitatem concessimus, nostrorum munimine sigillorum roboratas. Datum Posonii, sabbato proximo post festum beatorum Vyti et Modesti martirum[94], anno Domini M CCC XX tercio.
Nos itaque peticionibus dicti domini Nicolai prepositi iustis, favorabiliter inclinati, ex tenore litterarum prescriptarum comitis Posoniensis et iudicum nobilium, super restitucione predictarum quatuor particularum possessionum, superius nominatarum, predicte eeclesie Posoniensi, pariter preposito et capitulo eius, ad nostrum mandatum sic legitime facta, lucidius recepta veritate, eandem restitucionem, simulque litteras ipsam restitucionem continentes, regia auctoritate approbantes, acceptantes, ratificantes, ipsas quatuor particulas possessionum supradictarum restitutas evidenter, cum omni earum iuris et utilitatum plenitudine et integritate, puta vineis et aliis universis, dicte ecclesie Posoniensi, preposito et capitulo eius, ex certa sciencia, de consilio prelatorum et baronum regni nostri, perpetuo et irrevocabiliter possidere et habere, presentis privilegii nostri patrocinio confirmamus. In cuius rei memoriam, perpetuamque firmitatem, presentes concessimus litteras

---

[94] 1323. 18. Junii.