discreti viri, magistri Andree, prepositi Albensis, aule nostre vicecancellarii, dilecti ac fidelis nostri. Anno Domini M-o CCC-o XX-o sexto, quinto decimo Kalendas Januarii,[92] regni autem nostri anno similiter XX-o sexto. Venerabilibus in Christo patribus, Bolezlauo Strigoniensi et fratre Ladizlao Cholochensi (sic!), auleque nostre cancellario, archiepiscopis; Johanne Nitriensi, Benedicto Chanadiensi, Nicolao Jauriensi, Georgio Syrimiensi, Ladizlao Quinqueecclesiensi, Iuanka Varadiensi, fratre Petro Boznensi, Laurencio Vaciensi, Andrea Transiluano, Henrico Wesprimiensi, aule domine regine cancellario et Chanadino Agriensi, dominis episcopis, ecclesias Dei feliciter gubernantibus. Magnificis baronibus Philipo palatino iudice Cumanorum, comite de Scepus et de Wyuar; Demetrio magistro tavarnicorum nostrorum, comite Bachiensi et Trinchiniensi; comite Alaxandro iudice curie nostre; Thoma Woyuoda Transiluano, comite de Zonuk; Mikch bano tocius Slauonie, comite Symigiensi et de Saros; Paulo bano de Machow, comite Syrimiensi, de Wlkov et de Bodrog; Dyonisio magistro dapiferorum nostrorum; Stephano magistro agazonum nostrorum; Nicolao dicto Treutel, comite Posoniensi et aliis, quam pluribus, regni nostri comitatus tenentibus et honores.
Sigillum e rubro et albo serico contexto pendebat. – Orig. membr., in Arch. Capit. Poson. Priv. Capsa C. fasc. 5. nr. 53.

162.
1326. – 18. Dec. – Carolus I. rex restitutionem possessionum: Bél, Keszi, Apka et Taksony, capitulo Poson. factam, comprobat.
[K]arolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus, presentibus et futuris, noticiam presencium habituris, salutem in omnium Salvatore. Cum a nobis petitur quod honestum est, decet maiestatem regiam facilem prebere consensum, in hys precipue, que ecclesiarum comodis videntur utiliter convenire. Proinde ad universorum noticiam harum serie volumus pervenire: quod discretus vir magister Nicolaus, prepositus Posoniensis, dilectus et fidelis capellanus noster, ad nostram accedens presenciam, suo et fratrum suorum capituli ecclesie Posoniensis nomine, exhibuit nobis quasdam patentes litteras nostras et alias litteras patentes fidelium nostrorum, magistri Nicolai comitis Posoniensis et quatuor iudicum nobilium de eodem, super reambulacione quarumdam terrarum Beel, Kwze, Obka et Toxan vocatarum, supplicavitque nobis humiliter, ut ipsas litteras nostras et dictorum comitis et iudicum, seu restitucionem predictarum terrarum ratam habere, ad uberioremque conservacionem iuris eiusdem ecclesie Posoniensis, nostro dignaremur privilegio confirmare. Quarum quidem litterarum nostrarum tenor talis est:
Seriem literarum de a. 1323. 5. Jun.[93] vide ex ipso orig. sub nr. 52.
Tenor autem litterarum dictorum comitis et iudicum est talis:
Nos magister Nicolaus, comes Posoniensis, et Andreas de Churle, Petrus de Guttur, Leopoldus de Paka, et Valentinus de Werekne, iudices nobilium, significamus universis quibus expedit, presencium per tenorem, quod cum nos

---

[92] 1326. 18. Dec.

[93] 1323. 5. Jun.