165.
1327. – 29. Jan. – Carolus 1. rex, Mikocsa filio Elek, magistrum Stephanum castellanum de Visegrág adoptandi, eique possessionem suam Csév conferendi potestatem concedit, literasque suas super hoc editas, in privilegii formam redegit.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus, tam presentibus quam futuris, presencium noticiam habituris, salutem in omnium Salvatore. Cum a nobis petitur, quod iustum est et honestum, decet regiam excellenciam facilem prebere consensum in hys presertim, que suorum subditorum utilitatibus et commodis videntur convenire. Proinde ad universorum noticiam harum serie volumus pervenire: quod magister Stephanus castellanus de Wysegrad, dilectus et fidelis noster, unacum Mykocha filio Elek de Cheii, ad nostram accedens presenciam, exhibuit nobis quasdam patentes litteras nostras, tenoris infrascripti, petens nos cum instancia, et suplicans nobis humiliter et devote, ut ipsas litteras nostras de verbo ad verbum presentibus transcribi et transumi, privilegiique nostri patrocinio confirmare dignaremur. Quarum tenor talis est:
Nos Karolus, Dei gracia rex Hungarie, significamus tenore presencium quibus expedit universis, quod Mikocha filius Elek de Chew, in nostri personaliter constitutus presencia, nobis humiliter suplicavit, ut quia heredum masculorum careret solacio et eius possessio ex antiqua et approbata regni nostri consuetudine, in manus nostras regias legitime devolvi deberet, a nobis peciit humili cum instancia, ut eidem potestatem traderemus filium recipiendi adoptivum et de sua possessione Cheu vocata predicta, eo vivente, disponendi et ordinandi liberam preberemus facultatem. Tandem idem Mykocha, magistrum Stephanum, castellanum de Wysegrad, dilectum et fidelem nostrum, similiter in nostri presencia personaliter constitutum, in suum filium adoptivum elegit, coram nobis, et ipsam possessionem suam Chew vocatam, cum oranibus pertinenciis suis, in manus eiusdem magistri Stephani, ex nostra permissione statuit coram nobis. Asseruit eciam idem Mykocha, pro expediendis quibusdam negociis suis, ab ipso magistro Stephano quinquaginta marcas, partim in denariis ad compotum argenti et partim in estimacione condigna, plenarie recepisse et ipsam possessionem Cheu vocatam, ipso de medio sublato, eidem magistro Stephano, in filios filiorum suorum se dixit perpetuo contulisse possidendam, tenendam et habendam. Obligavit se itaque ipse magister Stephanus, coram nobis, et assumpsit ipsum Mykocha, sicut patrem spiritualem, usque vitam suam digne, benigne et honeste conservare et pariter pertractare. Datum Bude, in octavis festi nativitatis Virginis Gloriose,[96] anno Domini M-o CCC-o vicesimo sexto.
Methee autem dicte possessionis Chew, sub quibus ipsa eidem magistro Stephano, sine contradiccione aliquali, iuxta consuetudinem regni approbatam, perpetuo possidenda statuta fore dinoscitur, hoc ordine distinguntur, prout ex veridica relacione fidelium nostrorum capituli Strigoniensis ecclesie percepimus evidenter: Quod prima meta incipit circa magnam viam, a parte septemtrionali, ibi sunt due mete terree et tercia lapidea et ab oriente quarta meta habetur terrea; deinde vadit ad duas metas terreas, que separant a terra abbatis de Pelis; et inde vadit ad meridiem, ubi est quercus antiqua et meta terrea; abhinc

[96] 1326. 15. Sept.