Kalendas Aprilis, regni nostri anno similiter XX-o octavo. Venerabilibus etc. ut in nr. 192. super.
Sigillum e viridi et violaceo serico pendet. – Orig. membr., in Arch. Cap. Strigon. Priv. Lad. 1. fasc. 1. nr. 2.

194.
1328. (Esztergom.) 27. Mart. – Conventus Cruciferorum Strigon. comitem Ladislaum, filium Gyulae, possessionem Szent-Tamáskurt, 40 marcis Paulo, magistro Colomanni ducis, vendidisse testatur.
A. B. C.
Conventus cruciferorum, domus hospitalis ecclesie sancti regis Stephani de Strigonyo, omnibus Christi fidelibus, presentem paginam intuentibus, salutem in eo, qui est omnium vera salus. Ne memorie inrietur (sic!) oblivio et vetustate temporis, res clara presentibus, obscura reddatur futuris, dignum est ut ea, que aguntur in tempore, patrocinio litterarum fulciantur. Proinde ad universorum noticiam, tam presencium quam futurorum, harum serie volumus pervenire: quod comes Ladislaus, filius Jula, pro se et pro Johanne, Jacobo et Petro filiis suis et Stephanus frater eiusdem, nobiles de Kubulkuth ab una; Paulus filius Petri, magister domini Colomany ducis, parte ex altera, ad nostram accedentes personaliter presenciam, iidem Ladislaus et Stephanus, oraculo vive vocis, sunt confessi, quandam terram seu possessionem ipsorum Scenthamaskyurth vocatam, in comitatu de Comaron existentem, in qua ecclesia est in honorem sancti Thome constructa, quam iidem Ladislaus et Stephanus, a Cosma filio Phylipy (sic!), cui eandem terram, seu possessionem Cykw et Hyppolitus, filii Jakow, prout fratres sui, racione proximitatis donaverant et dederant, perpetuo olym, mediantibus aliis privilegialibus litteris nostris, precio comparassent, prout in eodem nostro privilegio exinde confecto plenius vidimus contineri, cum omnibus utilitatibus suis et pertinenciis universis, prefato magistro Paulo, et per eum suis heredibus, heredumque suos (sic!) successoribus vendidisse, statuisse et assignasse, quatraginta marcis promptorum denariorum, plene habitis et receptis, perpetuo et irrevocabiliter, nullo penitus contradictore apparente, possidendam, tenendam pariter et habendam, nullum dominium in eadem pro se reservantes. Insuper prefati Ladislaus et Stephanus, tam per se, quam per suos, firmiter assumpmentes et solempniter se se obligantes, ut prelibatum magistrum Paulum et suos posteritates, in predicta possessione, per eosdem modo premisso vendita, pacifice tenere et cum omni tranquilitate conservare, necnon ab omnibus racione eiusdem molestare volentibus, ipsorum propriis laboribus et expensis liberare et expedire. In cuius rei memoriam, perpetuamque firmitatem, ad instanciam parcium predictarum, litteras nostras privilegiales, nostro sigillo consignatas eidem magistro Paulo duximas concedendas. Datum, in dominica Ramispalmarum, anno Domini Millesimo trecentessimo vigesimo octavo.
Sigillum bene conservatum e violaceo et flavo serico pendet. – Orig. in Arch. Primat. Secul. Lad. M. nr. 57. – Edidit: Fejér Cod. Dipl. VIII. 3. p 342. qui bene observat, Paulum hunc magistrum fuisse Colomanni, regis Caroli extra matrimonium nati, antequam in clerum receptus fuisset. Colomannus hic tardius prepositus Strigoniensis, tum episcopus Jaurinensis evasit.