su[is] manibus assignavit, in manus nostras extitisset pleno iure devolutum. Nos volentes ecclesie nostre iobagiones et nostros solita diligencia promovere, ut eorum status de bono in melius valeat reformari, ad instantem peticionem omnium iobagionum nostrorum, in predicta villa nostra Gyarmat commorancium, sepedictum molendinum, sic in manus nostras ex causis superius pretaxatis perpetuo devolutum, tanquam nostrum, Patho Sartori, iobagioni nostro de eadem villa Gyarmath, filio videlicet sororis Petri molendinatoris memorati, habito super hoc tractatu unanimi et consensu parili, sub condicione census infrascripti, duximus concedendum, committendum, tradendum et pariter assignandum, ex gracia speciali dantes eidem ipsum molendinum possidendi, tenendi, habendi, locandi, vendendi et legandi, in filios filiorum suorum plenam et liberam facultatem. Condicione nichilominus census subsequentis, et iure dominii pro nobis reservatis in eodem. Quos quidem census et munera taliter decrevimus moderanda: quod singulis annis in festo nativitatis Domini[134], quatuor capones et duas tortas molendinares; item in festo passce, unum agnum bonum, quatuor caseos, vyginti ova et similiter duas tortas; item in festo Omnium Sanctorum, similiter quatuor capones et duas tortas; item in festo beate Lucie virginis, unam marcam denariorum cum dimidia; item ante festum nativitatis Domini, in septimana proxime precedenti, unum bonum porcum nobis dare et solvere tenebitur, occasione qualibet procul mota, ut assumpsit. In cuius rei testimonium et memoriam firmiorem, presentes nostras litteras privilegiales eidem Patho duximus concedendas, nostri sigilli munimine roborando. Datum, feria secunda proxima post octavas Purificationis Virginis Gloriose, anno Domini Millesimo CCC-moXX-monono.
Sigillum cum zona avulsum. – Orig. membran., in Arch. Cap, Strig. Priv. Lad. 38. fasc. 1. nr. 4
[134] 25. Dec., 1. Nov., 13. Dec.
Első
