IV.
NICOLAUS III. DE DÖRÖGD ARCHIELECTUS.
1329. Febr. – 1330. Sept.
209.
1329. – 14. Febr. – Capitulum Scepusiense, Nicolaum, filium Gurk, dimidiam partem suae possessionariae portionis, fratribus Ord. Carthus. de Lapide Refugii, testamento legasse testatur.
Ed. Cod. Andeg. T. II. p. 387.
210.
1329. (Somogyvár.) 25. Mart. – Conventus Simigiensis, possessionem Tyukos, Paulo de Fehéregyház, venditam esse testatur.
Tenorem vide sub nr. 216.
211.
1329. Avignon. 1. April. – Joannes PP. XXlI., episcopo Constantiensi, praeposito et decano comittit, ut Hugonem et Radulphum, comites de Monteforti, et eorum complices, qui Nicolaum electum Strigonien. ceperunt, denuncient excommunicatos.
"Sane non absque gravi perturbatione percepimus, quod cum dilectus filius Nicolaus, prepositus ecclesie Posoniensis, Strigoniensis dioecesis, electus Strigoniensis, de Ungarie partibus, ad curiam Romanam accederet, pro confirmationis electionis sue munere obtinendo, et transitum per civitatem Constantiensem faceret, nobiles viri Hugo et Radulphus, comites de Monteforti, Curiensis diocesis, et quidam alii eorum in hac parte complices et fautores, in gravem divine maiestatis et nostram, ac eiusdem sedis offensam, ausu sacrilego eundem prepositum, nec non socios suos et familiares ipsius, capere et detinere captivos, eosque equis, pecunia et bonis aliis eorumdem spoliare nequiter presumpserant."
Ed. Theiner: Monumenta Hung. Hist. T. I. p. 524.
212.
1329. (Pozsony.) 29. April. – Capitulum Posoniense Margaretham, marito suo Joanni de Csölösztő, dotem et res parafernales testamentaliter legasse, testatur.
A. B. C.
[U]niversis Christi fidelibus, presens scriptum inspecturis, capitulum ecclesie Posoniensis, salutem in salutis largitore. Ad universorum noticiam, tam presencium, quam futurorum, harum serie volumus pervenire: quod cum ad peticionem Johannis, filii Johannis de Chyleztu, pro audiendo testamento domine Margarete karissime consortis sue, in lecto egritudinis decumbentis, hominem
Első
