nostrum, videlicet magistrum Albertum, clericum nostrum familiarem misissemus, demum idem ad nos reversus nobis retulit: quod ipsa domina Margareta, licet egra corpore, compos tamen sue mentis, coram ipsos, et presentibus honestis viris dominis Johanne scilicet de Kyliti, et Akurone de Chyleztu, ecclesiarum rectoribus, et nobili viro Stephano dicto Guot layco, dotem et res parafornales (sic!) suas, predicto Johanni karissimo coniugi suo, racionc dileccionis maritalis, quam gessit erga ipsam, et Jacobo fratri eiusdem Johannis, et per eos suis heredibus, heredumque suorum successoribus, iure perpetuo ac irrevocabiliter delegasset; ita quod nullus proximorum, vel cognatorum ipsius domine, ullo umquam tempore, ipsos Johannem et Jacobum antedictos, vel eorum heredes, racione dotis et rerum parafornalium prememoratarum, possint seu valeant agravare. Datum, sabbato in Albis, tercio Kalendas Maii, anno Domini millesimo CCC-o vigesimo nono.
Sigillum e rubro et flavo serico contexto dependet. – Orig. membr., in Arch. Cap. Poson. Publ. Capsa 14. fasc. 3. nr. 9.

213.
1329. (Esztergom.) 14. Maii. – Capitulum Strigoniense, populos in Szebelléb, a solutione tributi in Németi, in perpetuum exemptos esse, graciose concedit.
Nos capitulum ecclesie Strigoniensis,, memorie commendantes significamus, quibus expedit, tenore presencium universis: quod nos multiplicacionem populi de villa nostra Scebhleb vocata, pociusquam diminucionem affectantes, volentesque in omnibus grato favore occurrere, eisdem nos graciosos exhibendo, pro eo maxime quia in nostris necessitatibus, cum ad eos recursum habuimus, nobis iuxta qualitatem et quantitatem suorum bonorum exacciones, quas ab eisdem decrevimus exigendas, sine difficultate exsolvere curaverunt; ea eciam spe ducti, quod tractu temporum in exsolvendis dacionibus, exaccionibus, seu collectis quibuscunque, per nos oportunitatis tempore eciam ultra consuetam dacionem moderate postulandis ab eisdem, se facilibus faciliores exhibebunt, sicut hactenus exhibuisse dignoscuntur. Habita super hoc matura deliberacione et tractatu sufficienti, ex consensu parili et voluntate unanimi, hanc graciam specialem eis duximus faciendam: quod omnes universaliter et singuli singulariter, heredesque ipsorum et heredum suorum successores, a solucione tributi, quod in villa nostra Neymthy vocata, pro nobis exigi consuevit, penitus et per omnia in perpetuum vigore presencitim sint exempti; nychilominus hoc adiecto, quod si aliqui eorumdem, cum rebus alienis sub eorum nominibus deducendis, per tributum memoratum sine solucione tributi consueti, fradulencia inducente, transire presumpserint et de hoc tributario pro tempore constituto, vel nobis veritas constiterit, ipsos rebus huiusmodi, vel suis rebus propriis hys – sic fraudulenter deductis – equipollentibus, privari volumus eo facto. In cuius rei memoriam, perpetuamque firmitatem, eisdem populis nostris, presentes concessimus litteras, nostri sigilli munimine roboratas. Datum, in dominica proxima post quindenas Passce Domini, anno eiusdem M-o CCC-o XX-mo nono.
Sigillum e zona membran. pendet. – Orig. membr., in Arch. Capit. Strigon. Priv. Lad. 15. fasc. 2. nr. 11.