magistro Nicolao comite Posoniensi, aliisque plurimis, regni nostri comitatus tenentibus et honores.
E transsumpto conventus de Kapornak a. 1502. – Orig. membr., cum sigillo e rubro et flavo cotone dependente, in Arch. Primat. Archiv. Vet. Ecclesiast. nr. 63.

231.
1330. – 14. Mart. – Carolus I. rex, transscribit et confirmat privilegium Stephani V. regis, a rege Ladislao IV. transsumptum, super molendino fratrum Augustin. de Mező-Somlyó.
[K]arolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, tam presentibus quam futuris, presens scriptum inspecturis, salutem in largitore salutis. Cum a nobis petitur, quod iustum est, decet maiestatem regiam facilem prebere consensum, in hys precipue, que ecclesiarum commodis utiliter videntur convenire. Inconcussum namque id permanet, quod regio fuerit patrocinio communitum. Eapropter ad universorum noticiam harum serie volumus pervenire: quod religiosus vir, frater Petms, dictus de Koza, prior ordinis fratrum beati Agustini (sic!) de Mezew Somlyow, ad nostre serenitatis accedens presenciam, suo proprio et conventus eiusdem loci nomine, exhibuit nobis quoddam privilegium domini quondam Ladizlai, illustris regis Hungarie, karissimi fratris et predecessoris nostri, beate recordacionis, privilegium quondam domini Stephani, similiter illustris regis Hungarie, patris sui, super quodam molendino, ibi in Mezew Somlyow, super fluvio Burzaa currente, cum aliis utilitatibus et attinenciis universis, per eundem dominum regem Stephanum, fratribus et domui sancti Thome martiris de eadem Mezew Somlyow, in perpetuam elemosinam dato et collato, confirmans, tenoris infrascripti; nostro culmini humili et devota precum instancia supplicans, ut dictum privilegium perhenniorem rei ad cautelam et tuciorem conservanciam (sic!) eidem ecclesie et patribus, nostris privilegialibus litteris innovare et confirmare dignaremur. Cuius tenor talis est;
Sequitur privil. Ladislai IV. regis de a. 1278.[148] in T. II. p, 89. nr. 72; et illud Stephani V. de 1270.[149] T. I. p. 582. nr. 751. ex hoc ipso transsumpto edit
Unde nos iustis petencium desideriis gratuito occurrentes beneplacito, ipsamque ecclesiam sancti Thome martiris, ac fratres in eadem iugiter Deo famulantes, ad instar priorum progenitorum nostrorum, de nostra gracia speciali regia et favore amplectentes, ac prioris eiusdem memorati et confratrum suorum peticionem et supplicacionem, regia admissione dignam recensentes, prescriptam donacionem possessionariam, per dominum condam Stephanum regem memoratum, eidem ecclesie et fratribus ordinis sancti Augustini de Mezeusumlow olim factam, et per dictum Ladizlaum regem, filium suum, confirmatam, ex certa sciencia ratam, gratam et acceptam habentes, invenientes ipsum privilegium non abrasum, non cancellatum, nec aliqua sui parte viciatum, de consilio prelatorum et baronum nostrorum, toto tenore ipsius presentibus inserto, huius scripti nostri privilegialis patrocinio in perpetuum valere confirmamus, atque innovamus. In cuius confirmacionis testimonium et robur perpetuum, presentes concessimus litteras nostras privilegiales, memorate ecclesie et fratribus, dupplicis sigilli nostri

[148] 1278.

[149] 1270.