237.
1330. – 5. Maii. – Carolus I. rex, Stephano civi Strigon., palatium Zenye palotája dictum, post informationem a conv. Crucifer. de Strigonio acceptam, capitulo Strigon. eatenus perpetuum silentium imponens, ac litteras per Stephanum productas transsumens, perpetuo possidendum confert.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, tam presentibus quam futuris, presens scriptum cernentibus, salutem in salutis largitore. Cum a nobis petitur quod iustum est, decet maiestatem regiam facilem prebere consensum in hys, que precipue subiectorum comodis utiliter videntur convenire. Inconcussum namque id permanet, quod fuerit patrocinio regis communitum. Eapropter ad universorum noticiam harum serie volumus pervenire: quod cum nos ad instanciam et peticionem Stephani, fratris Colomani, fidelibus nostris, conventui cruciferorum sancti regis Stephani de Strigonio, ut idem hominem eorum fidedignum (emansit: mittat), quo presente Petew iudex civitatis Strigoniensis, homo noster regius, inquisicione perhabita a capitulo Strigoniensi, si in pallacio in eadem civitate Strigoniensi habito, quondam domine Zenye, et tandem ad manus nostras devoluto, ac meritis fidelitatis et serviciorum dicti Stephani exigentibus sibi perpetuo per nos dato et collato, idem capitulum aliquid ius dicunt se habere necne; et si dixerint, extunc assignet coram nobis terminum competentem, titulum quo mediante dictum pallacium ad eos pertinere asserunt ostensuro, ipsi capitulo comparendi; sin autem, convocatis civibus dicte civitatis, ipsum pallacium statuat eidem Stephano perpetuo possidendum, si non fuerit contradictum; contradictoribus, si qui fuerint, ad nostram contra eundem evocatis presenciam ad terminum competentem; et post hec tocius facti seriem nobis fideliter rescripturi transmittere debeant, – dedissemus in mandatis. Tandem idem conventus, super premissis, nobis rescripserunt, in hec verba:
Excellentissimo domino Karolo, Dei gracia illustri regi Hungarie, domino suo reverendo, frater Jacobus, Dei et apostolice sedis gracia, magister et conventus cruciferorum domus hospitalis ecclesie sancti regis Stephani de Strigonio, oracionum suffragia devotarum. Litteras vestre serenitatis, honore quo decuit recepimus, in hec verba:
Karolus, Dei gracia rex Hungarie, fidelibus suis conventui cruciferorum sancti regis de Strigonio, salutem et graciam. Cum nos quoddam pallacium in civitate Strigoniensi habitum, quondam cuiusdam domine Zenye, et tandem ad manus nostras devolutum, Stephano fratri Colomani, fideli nostro contulerimus, meritis sue fidelitatis exigentibus, in filios filiorum eius perpetuo possidendum et habendum; nuncque volentibus nobis dictum pallacium eidem statui facere, iuxta consuetudinem regni nostri, relacione eiusdem Stephani intellexerimus, quod capitulum Strigoniensis ecclesie ipsum pallacium suo iuri pertinere vendicarent; fidelitati vestre mandantes precipimus, per presentes, quatenus mittatis hominem vestrum pro testimonio fidedignum, quo presente Petew iudex nostre civitatis, homo noster, accedens ad dictum capitulum, inquirat ab eis, si in ipso pallacio ius aliquod se dicunt habere; qui si dixerint, extunc eis terminum assignet coram nobis comparendi competentem, in quo contra ipsum Stephanum, coram nobis debeant comparere, titulum quo mediante dictum pallacium ad eos

---