838.
1347. Buda. 23. Jul. – Comes Paulus iudex curiae, Joannem de Pécs, per capitulum Posoniense citari petit.
Amicis suis honorandis, capitulo ecclesie Posonyensis, comes Paulus, iudex curie domini Lodouici, Dei gracia regis Hungarie, amiciciam paratam, debito cum honore. Amiciciam vestram presentibus petimus diligenter, quatenus vestrum mittatis hominem, pro testimonio fidedignum, quo presente Andreas de Zowar, vel Johannes filius Petri de eadem, altero absente homo regius, citet Johannem, filium Johannis de Peech, contra Kunchlinum, iudicem de Tyrnavia, in regiam presenciam ad terminum competentem. Et post hec diem et locum ipsius citacionis, nomen citati, cum termino assignato, eidem domino regi fideliter rescribatis. Datum Bude, secundo die festi beate Marie Magdalene, anno Domini M-o CCC-o XL-mo septimo.
Sigillum exteriori margini fuit appressum. – Orig. chart., in Arch. Cap. Poson. Publ. Capsa 28. fasc. 1. nr. 4.

839.
1347. – 28. Jul. – Ludovicus Magnus rex, ad preces Siffridi abbatis de Sancto Benedicto, confirmat literas Caroli I. regis, transsumentes et confirmantes privilegiales Andreae II. regis a 1217. concessas:
Tenorem vide sub nr. 193[656].
Datum per manus honorabilis et discreti viri, magistri Thatamerii, Albensis ecclesiae prepositi, aule nostre vicecancellarii, dilecti et fidelis nostri, anno Domini M-o CCC-o XL-mo septimo, quinto Kalendas Augusti, regni autem nostri anno sexto; venerabilibus in Christo patribus, dominis Chanadino Strigoniensi, locique eiusdem comite perpetuo, Stephano Colocensi, Nicolao Jadriensi, Dominico Spalatensi archiepiscopis; Nicolao Agriensi, Andrea Transsiluano, Demetrio Waradiensi, Jacobo Zagrabiensi, Nicolao Quinqueecclesiensi, Petro Syrimiensi, Gregorio Chanadiensi, Laurencio Boznensi, Colomano Jauriensi, Nicolao electo Nitriensi, Mychaele Waciensi, ecclesiarum episcopis, et Johanne clerio (sic) confirmato Wesprimiensi, ecclesias Dei feliciter gubernantibus. Magnificis viris Nicolao palatino, iudice Comanorum; St(ephano) woyuoda Transiluano, comite de Zonuk; Oliverio magistro thauarnicorum nostrorum; comite Paulo iudice curie nostre; Paulo magistro thauarnicorum reginalium; Dominico de Macho, Nicolao tocius Sclauonie et Groacie banis; Nicolao pincernaorum (sic), Iwanka dapiferorum et Dyonisio agazonum nostrorum magistris, ac magistro Nicolao dicto Treutul, comite Posoniensi, aliisque quam pluribus, regni comitatus tenentibus et honores.
Extus manus coeva adnot.: Confirmacio privilegii domini K. regis, cum mediocri suo sigillo consignati, super confirmacione privilegii domini Endre regis, super libertatibus per eundem populis monasterii sancti Benedicti de iuxta Gron concessis interius expressis emanati. – Fragmen sigilli e flavo et viridi serico pendet. – Orig. membr., in Arch. Cap. Strig. Priv Lad. 1. fasc. 1. nr. 3.

[656] 1328. 18. Mart.