Litteras has transscribit "Berchtolt von Gotes gnaden Bischofe ze Freisingen" quem eatenus requisivit "der Hochgeborne Furst unser genediger, lieber herr herczog Albrecht, Herczog cze Österreich etc." "Geben czu Haimburg an phincztag in den Phingst Veirtagen" a 1390. In Arch. Aerarii reg. fasc. 1590. nr. 29. – E copia Ferd. Knauz.

877.
1848. 15. Aug. – Joannes praepositus Scepusiensis testamentum condit.
[I]n nomine Domini amen. Anno nativitatis eiusdem M-o CCC-o XL-mo VIII, indiccione prima, pontificatus sanctissimi in Christo patris, domini Clementis pape VI anno VII-o, XV die mensis Augusti, hora quasi meridiei, in presencia mei notarii et testium subscriptorum, vocatorum ad hoc specialiter et rogatorum, venerabilis vir dominus Johannes, prepositus ecclesie beati Martini de Scepus, Strigoniensis dyocesis, in domo habitacionis sue, videlicet in palacio superiori apud dictam ecclesiam sancti Martini, in lecto decumbens egritudinis, pro anime sue remedio, infrascriptum condens testamentum, quandam cartam papiream, tenoris infrascripti legi fecit et per omnia et singula, in ea contenta, rata et grata habuit, pariter et accepta; et honorabiles viros, dominos Nicolaum Theodorii lectorem presentem et Paulum Benedicti canonicum ecclesie sancti Martini predicte absentem, suos executores et procuratores, ut infra patet nominavit, fecit et ordinavit, cum omni plenitudine potestatis, in talibus negociis dari consueta, faciens nichilominus per me notarium, super eo publicum confici instrumentum. Tenor vero dicte carte erat talis:
In Christi nomine, amen. Quum quemadmodum in proclivo fragilitatis humane et eciam carnis universe decursu nil cercius resolucione sit, incercius sit hora resolucionis: idcirco nos, Johannes prepositus Scepusyensis, volentes de bonis, saltem per industriam nostram et labores acquisitis, ecclesie nostre pro remedio anime nostre aliqualiter disponere et legata facere de eisdem: legamus primo et assignamus, si decesserimus, quod in disposicione divina consistit, curiam nostram, Bnde ad Calidas Aquas habitam, successoribus nostris prelatis eiusdem ecclesie nostre. Item vineam nostram, Bude habitam, fratribus nostris, capitulo dicte ecclesie nostre. Item de villa nostra Juanosy vocata, censum eiusdem ville (emans.: cum) muneribus et aliis obvencionibus quibuscumque, absque medietate decimarum, inibi nos contingencium, quam domino Paulo Benedicti, canonico nostro, propter multiplicia ipsius servicia, de consensu fratrum nostrorum conferimus, sic disponimus et ordinamus, quod de ipsis et ad ipsa ordinentur per fratres nostros de capitulo quatuor prebendarii sacerdotes, qui CCClesie nostre deserviant in horis canonicis, nocturnis pariter et diurnis et illorum unus, per idem capitulum, aliis ad hoc preficiatur, ut proventus, redditus et obvenciones huiusmodi inter ipsos eque dividat, ne discordent et per discordiam huiusmodi ecclesia ministeriis eorum defraudetur. Similiter et de villa Sothmar, cum decimis eiusdem, ordinentur duo presbiteri, qui eciam, ut premittitur, ecclesie deserviant et nichilominus singulis septimanis, in capella beate Virginis, in altaribus beatorum Petri et Pauli apostolorum et Johannis ewangeliste, ac in capella sancti Andree missas celebrent adminus tres, vel plures, si et prout eis dominus dare dignatus fuerit devocionem. Item crucem nostram, quam habemus, damus et assignamus ecclesie nostre predicte, in qua sepulturam

---