884.
1348. Avignon. 30. Nov. – Cletnens PP. VI.. Guidoni cardinali, nuntio suo ad regnum Hungariae misso, extraordinarias contulit facultates.
Tenorem vide sub nr. 937.

885.
1348. Szepeshely. 19. Dec. – Literae delegatorum sedis apostolicae, in causa praepositurae Scepus. ad episcopatum et collegiatae ecclesiae ad cathedralem evehendae.
Ed. Wagner: Analecta Scepus. P. I. p. 319.

886.
1349. Avignon. 13. Jan. – Clemens PP. VI., Guidonem, tit. s. Caeciliae cardinalem, nuncium suum, Chanadino archiepiscopo, commendat.
Ed. Theiner: Mon. Hist. Hung. Eccl. T. I. p. 768.

887.
1349. (Szepeshely.) 30. Jan. – Capitulum Scepusiense, Joannem Detrici de Dolina, quartam partem possessionis suae Nicolao plebano de Lőcse, vendidisse perhibet.
Ed. Cod. Andegav. T. V. p. 259.

888.
1349. Visegrád. 6. Febr. – Ludovicus rex, contra Ivanka magistrum dapiferorum suorum Joannem de Gyarmat necis false accusantem, per capitulum Posoniense inquiri iubet.
Lodouicus, Dei gracia rex Hungarie, fidelibus suis, capitulo Posoniensi, salutem et graciam. Dicitur nobis in persona Johannis, filii Gregorii de Gyarmat, quod Iwanka, magister dapiferorum nostrorum et Nicolaus filius Thome, contra ipsum, tacita veritate huiusmodi inquisicionem facere procurassent, quod ipse quendam famulum suum, Egidium nomine, nullis suis culpis exigentibus, interfecisset; cum tamen prout ipse Johannes assereret in premissis innocens esset penitus et immunis. Quare fidelitati vestre firmiter precipiendo mandamus, quatenus vestrum mittatis hominem, pro testimonio fidedignum, quo presente, Johannes filius Pechkus, vel Petrus filius Johannis de Chehy, aut Johannes, filius Hem . . . . . leus, aliis absentibus homo noster, diligenter de premissis investigando, sciat et inquirat omnimodam veritatem et post hec, prout exinde vobis veritas [constiterit] nobis fideliter rescribatis. Datum in Wyssegrad, secundo die festi beate Agate virginis, anno Domini M-o CCC-o XL-mo nono.
Sigillum exteriori margini fuit appressum. – Orig. chart, in Arch. Capit. Poson. Publ. Capsa 28. fasc. 1. nr. 48.