feria quinta proxima ante festum beatorum Cosme et Damiani martirum, anno Domini M-o CCC-o XL-mo octavo.
Sigillum anulare rubr. cer. marg. ext. fuit impressum. – Orig. membr., in Arch. Primat. Secul. Lad. Q. fasc. 1. nr. 5. – Literae Chanadini archiepiscopi, Petri de Zala hanc gratiam concedentes, inveniuntur in Arch. Alfred. Reviczky in Beczkó nr. 966.

880.
1348. Buda. 3. Oct. – Ludovicus I. rex, mandat magistratui comitatus Scepusiensis, ut inquirat super violentiis, per filios Nicolai de Geraltfalva, contra duos canonicos die 18-a Augusti patratis.
Ed. Cod. Andegav. T. V. p. 234-235.

881.
1348. Buda. 20. Oct. – Ludovicus rex, num Nicolaus fratrem suum Petrum occiderit et alium fratrem Kupe lethaliter vulneraverit, per capitulum Posoniense inquiri iubet.
Lodouicus, Dei gracia rex Hungarie, fidelibus suis, capitulo Posoniensis ecclesie, salutem et graciam. Dicitur nobis in personis Johannis et Petri, filiorum Petri, filii Kumpurd, quod Nicolaus, filius eiusdem Kumpurd, ipsum Petrum, patrem ipsorum, malicia perconcepta, feria quinta, videlicet in festo beati Galli confessoris proxime preterito, in libera via, ipsum versus villam Gumba ad domum suam euntem, hostiliter invadens, multis vulneribus sauciando occidisset et hoc viso, cum Kupe, frater uterinus eiusdem Petri, super ipsum Petrum fratrem suum flens et deplorans corruisset, eundem Kupe prefatus Nicolaus sic deflentem letaliter wlnerasset et semivivum reliquisset, de quo dubitaretur si adhuc viveret, vel obisset. Super quo fidelitati vestre firmiter precipiendo mandamus, quatenus hominem vestrum ydoneum pro testimonio transmittatis, quo presente, Paulus de Tukulchan, vel Dominicus filius Petri de eadem, altero absente homo noster, de premissis omnibus sciat et inquirat omnimodam veritatem. Et post hec, prout vobis veritas constiterit de premissis, nobis fideliter rescribatis. Datum Bude, feria secunda proxima post festum prenotatum. Anno Domini M-o CCC-o XL-mo octavo.
Sigillum exteriori margini fuit appressum. – Orig. chart., in Arch. Capit. Poson. Publ. Capsa 28. fasc. L nr. 15.

882.
1348. Esztergom. 21. Oct. – Chanadinus archiepiscopus Strigoniensis, statuta confraternitatis: Kalandosok, quam universitas plebanorum de Liptó fundavit, confirmat.
Ed. Cod. Andegav. T. V. p. 243.

883.
1348. (Buda.) 4. Nov. – Capitulum Budense, Elisabetham viduam Petri de Csepen, tertiam partem eiusdem possessionis, viginti sex marcis, magistro Mese, vicecastellano Posoniensi, oppignorasse testatur.
Tenorem vide sub nr. 931.