decursibus, cum locis molendinorum et quibuslibet aliis utilitatibus suis universis, ad eandem pertinentibus, sub eisdem metis et terminis antiquis, in privilegio nostro contentis, nec non eciam porcionem nostram, quam in tributo suo Nyarhyd similiter in privilegio nostro nobis pertineri sibi asserendo demonstravimus, perpetuo et irrevocabiliter dedimus, donavimus et contulimus tenendam, possidendam pariter et habendam. Tali obligacione mediante: quod quandocunque temporis in processu, racione predicte possessionis Keer et porcionis tributi de Nyarhid, per nos date et collate, per aliquos, vel per aliquem, idem dominus archiepiscopus vel sui successores impeterentur, nos vel nostri successores, propriis nostris laboribus et experisis teneremur expedire; et si expedire non curaremus, vel non possemus, prehabita ordinacio recinderetur eo facto. Ad quod, mediantibus litteris nostris cum pendentibus sigillis consignatis, nos firmiter obligamus. In cuius rei testimonium, perpetuamque firmitatem, presentes concessimus nostras litteras privilegiales, pendentibus sigillis nostris munimine roboratas. Datum, in octavis festi Purificacionis beate Marie Virginis, anno Domini M-o CCC-mo XL-mo nono.
Extus manus med. aevi adn.: Privilegium super permutacione possessionis Keer et super parte tributi Nyarhid. – Et paulo recens manus adjec.: ipsorum fratrum pro decimis archiepiscopalibus. – Sigilla abbatis et conventus, bene conservata, e serico albo et viridi contexto pendent. – Origin. membr., in Archiv. Primat. Secul. Lad. N. nr. 1.

890.
1349. (Somogyvár). 11. Febr. – Conventus Simigiensis, de peracta contra Nicolaum et Georgium de Szentgyörgy, in negotio violentae occupationis porcionis filiorum Andreae de Karan inquisitione, rescribit.
Nobilibus viris magistro Kunch, vice domini Bartholomei comiti Symigiensi et quatuor iudicibus nobilium eiusdem comitatus, conventus monasterii sancti Egidii de Symigio, amiciciam paratam, debito cum honore. Noveritis, quod receptis litteris vestris inquisitoriis, cum Ladislao, filio Mark de Jutha, homine vestro, Petrum clericum chori nostri, hominem nostrum, pro testimonio transmisimus fidedignum, qui postmodum ad nos reversi nobis concorditer retulerunt: quod feria tercia (expunct.: proxima), scilicet in festo beate Scolastice virginis[687], a quibus decuit et licuit, a sacerdotibus et laycis, indagata et investigata veritate, diligentissime inquirendo scivissent: quod Nicolaus, filius Pauli de Zenthgurgh, et Georgius germanus eiusdem, possessionarias porciones Leukus, Johannis, Stephani et Bartholomei, filiorum Andree, filii Stephani dicti Zakalus de Karan, in territorio dicte possessionis Karan existentes et per dominum Nicolaum regni Hungarie palatinum, eisdem filiis Andree resignatas, ac contra legitimam prohibicionem factam, potencialiter pro se occupassent, ususfructus et proventus earumdem pro se percipiendo, ac domos in eisdem igne concremassent; in quibus una mulier cremata extitisset. Datum, secundo die festi supradicti, anno Domini M-o CCC-mo XL-mo nono.
Extus: Comiti Symigiensi et iudicibus nobilium inquisitoria, pro filiis Andree filii Stephani dicti Zakalus de Karan intra nominatis, contra Nicolaum filium Pauli de Zenthgurgh ac Georgium germanum eiusdem. – Sigillum margini fuit impr. – Orig. membran., in Arch. Capit. Strigon. Publ. Capsa 1. fasc. 3. nr. 8.

[687] 1349. 10. Febr.