891.
1349. Avignon. 23. Febr. – Joannes, canonicus Agriensis et Vesprimiensis, nepos Nicolai episcopi Agriens., praeposituram s. Martini in Scepus, per mortem Joannis praepositi vacantem, sibi conferre petit.
Ed. Bossanyi: Regest. Suppl. T. I. p. 193.

892.
1349. Buda. 9. Mart. – Ludovicus I. rex, possessionem Nana, per capitulum Vaciense reambulari jubet.
Tenorem vide sub nr. 900.

893.
1349. (Pozsony.) 11. Mart. – Magister Johannes Orros, vicecomes Posoniensis, capitulum Posoniense, contra Joannem Pap, pecuniam tributi magistri Chenig, castellani de Vöröskő auferentem, inquiri iubet.
Discretis viris et honestis, capitulo ecclesie Posoniensis, magister Johannes, dictus Orrus, vicecomes de eodem, sinceri honoris incrementum. Dicit nobis Laurencius, familiaris magistri Chenig, Castellani de Weresku, in persona eiusdem domini sui, quod cum feria secunda proxima post dominicam Reminisscere Petrus et Chyha[688], item tercius, nomine Oldurus, eiusdem domini sui famuli, pecuniam domini sui, quem Chisur in tributo congregata (sic) fuerat, ad mandatum dicti domini sui, in dictum castrum Weresku deferre voluisset et quidam in via, qui furtim de trihuto domini sui recesserat, ipsis obvius fuisset et cum eundem detinere voluissent, ydem videns se velle detineri, ad iobagiones Johannis, dicti Pop de Bahun fugiens venisset, et tunc in momento prefatus Johannes, dictus Pop, cum suis famulis et iobagionibus equos asscendentes, eosdem famulos domini sui, in villam Wischa, ad dictum dominum suum pertinentem, agitasset et unum ex illis, scilicet Petrum interfecisset, reliquum vero, scilicet Chiha, letalibus wlneribus sauciasset, culpis eorum non exigentibus, et dictam pecuniam, quam, ut premittitur, domino eorum deferebant, scilicet centum libras, ab eis abstulisset, insuper equos eorum et vestimenta. Super quo vestre discrecionis amiciciam presentibus petimus diligenter, quatenus vestrum mittatis hominem, pro testimonio fidedignum, quo presente, Matheus de Capulna, unus iudicum quatuor et Andreas de Chuchak, officialis noster de Wizkelet, sciant et inquirant omnimodam de premissis veritatem. Et post hec, prout veritas ipsis constiterit premissorum, nobis vestri gracia amicabiliter rescribatis. Datum, feria quarta proxima post dominicam Reminisscere, anno Domini M-o CCC-mo XL-mo nono.
Sigillum exteriori margini fuit appressum. – Orig. chart, in Arch. Cap. Poson. Publ. Capsa 66. fasc. 1. nr. 2.

894.
1349. Buda. 20. Mart. – Chanadinus archieppus Strigon., filiis Alexandri, filii Cselen permittit, ut in possessione sua Ponith, ecclesiam lapideam, ad honorem beatae Annae construi possint.
Ed. Cod. Andegav. T. V. p. 271.

[688] 1349. 9. Mart.