902.
1349. Buda. 1. Apr. – Nicolaus palatinus, Andream de Kápolna, in termino contra capitulum Posoniense non comparentem, convincit.
Nos Nicolaus, regni Hungarie palatinus et iudex Comanomm, damus pro memoria, quod magister Paulus canonicus ecclesie Posoniensis, pro capitulo ecclesie Posoniensis, cum procuratoriis litteris eiusdem capituli, contra Andream de Kapulna, de comitatu Posoniensi, ab octavis diei Cinerum viginti octo diebus continuis stetit in termino coram nobis[691]. Qui quidem Andreas, iuxta continenciam priorum litterarum nostrarum peremptorie responsus non venit, neque misit; unde eundem Andream contra ipsum capitulum permisimus in iudicio fore convictum, si se racionabiliter non poterit excusare. Datum Bude, vigesimo nono die termini prenotati, anno Domini M-o CCC-o XL-mo nono.
Extus: Pro capitulo ecclesie Posoniensis, contra Andream de Kapulna iudicialis. – Sigillum margini exteriori fuit appressum. – Orig. chart, in Arch. Capit. Poson. Publ. Capsa 28. fasc. 1. nr. 6.

903.
1349. Buda. 7. April. – Ludovicus I. rex, conventum de Zobor, pro monasterio s. Benedicti, nunnullos pacis perturbatores, citari mandat.
Tenorem vide nr. subsequenti.

904.
1349. (Zobor.) 15. Apr. – Conventus de Zobor, seriem evocationis, Stephani officialis magistri Ivanka et complicum, Ludovico I. regi rescribit.
Excellentissimo domino Lodouico, Dei gracia regi Hungarie, domino suo illustri, conventus ecclesie beati Ipolyti martiris de Zubur, oraciones in Domino continuas et devotas. Litteras vestre excellencie evocatorias, sub vestro anulari sigyllo confectas, pro religioso viro fratre Syffrido abbate monasterii sancti Benedicti de iuxta Gron, summa recepimus cum reverencia in hec verba:
Lodouicus, Dei gracia rex Hungarie, fidelibus suis conventui Zuburiensi, salutem et graciam. Dicit nobis honorabilis vir frater Syffridus, abbas ecclesie sancti Benedicti de iuxta Goron., quod Stephanus filius Beke, officialis magistri Iwanka de Senche et Egydius viceofficialis eiusdem, octo boves et duos equos ac tres currus cum frugibus repletos, iobagionum suorum de Besseneu, in festo invencionis corporis sancti Stephani prothomartiris iam preterito[692], abstulissent et quod Petrus, filius Michaelis, officialis eiusdem magistri Iuanka de Syk et Johannes viceofficialis eiusdem, nec non Mykle et Andreas filii Hordo famuli eorumdem, feria secunda proxima ante dominicam Ramispalmarum[693], ante villam Besseneu sex boves arantes cum aratro potencialiter et manibus armatis abstulissent, et homines cum eisdem aratris procedentes denudassent et percussissent; ac Petrus de Perwin, famulus eiusdem magistri Iwanka unum bovem iobagionis sui de Tassar, in villa Harasthan, die fori potencialiter abstulisset. Super quo fidelitati vestre firmiter precipiendo mandamus, quatenus vestrum mittatis hominem, pro testimonio fidedignum

[691] 1349. 4. Mart.

[692] 1348. 3. Aug.

[693] 1349. 30. Mart.