persenciam ad terminum competentem; et post hec tocius facti seriem nobis fideliter rescribatis. Datum Eude, feria secunda proxima post dominicam Reminiscere[689], anno Domini M-o CCC-mo XL-mo nono.
Unde nos mandatis excellencie vestre obtemperantes, ut tenemur, una cum predicto Mauricio, homine celsitudinis vestre, discretum virum, magistrum Bartholomeum, rectorem capelle sancti Spiritus, socium et concanonicum nostrum, ad premissa diligenter exequenda, pro testimonio transmissimus. Qui demum ad nos reversi et per nos studiosius requisiti, nobis concorditer retulerunt: quod ipsi feria quarta proxima ante dominicam Letare[690], proxime iam preteritam, ad faciem prefate possessionis Nana vocate, in comitatu de ante Strigoniensi (sic) existentis, alteri possessioni dicti capituli Strigoniensis similiter Nana vocate vicinate, ex vestra collacione, seu donacione, per formam permutacionis, seu concambii facte, eidem capitulo devolute, accedendo, convocatis universis vicinis et commetaneis eiusdem et presentibus, ipsam per suas veras metas et antiquas seu circumferencias reambulassent, reambulatamque sub suis certis metis et limitacionibus eidem capitulo, sub premisso titulo, relinquissent pacifice et quiete perpetuo possidendam; nullo penitus contradictore, ipsis ibidem tribus diebus continuis commorantibus, aparente. Datum, feria secunda proxima post dominicam Letare, anno Domini ut supra.
E transsumpto Ludovici regis anni 1353. – Orig. membr., in Arch. Cap. Strigon. Priv. Lad. 31. fasc. 1. nr. 11.

901.
1349. (Pozsony.) 30. Mart. – Capitulum Posoniense, Joannem de Zavar filiae suae Catharinae, aut illa sterili, alteri filiae Elisabethae, terram Elekfölde donasse testatur.
A. B. C.
Universis Christi fidelibus, presens scriptum inspecturis, capitulum ecclesie Posoniensis, salutem in Domino. Ad universorum noticiam tenore presencium volumus pervenire, quod Johannes, filius Michaelis de Zauar, coram nobis personaliter constitutus, quandam particulam terre sue hereditarie, Elechfulde vocatam, ipsam secundum suam longitudinem et latitudinem, que a prima valle incipit, wlgariter Eleuulg dictam, et suo fine tendit ad fluvium Dudaag, Katherine filie sue primogenite, ex domina Anna, filia Jacobi de Kurtueles procreate, iure perpetuo et irrevocabiliter, in filios filiorum suorum, si ipsam proles habere contingat, si autem non, ipsa decessa, filie sue iuniori Elizabeth, ex eadem domina Anna procreate, dedit, tradidit et a se alienavit, semper ad possidendum, tenendum et habendum, totum proprietatis et dominii, quod ad dictam terre particulam quovis iure habere nosscebatur, in predictam filiam suam Katherinam, ut premissum est, si ipsam proles habere contingat, si vero non, in secundam filiam suam, scilicet Elizabeth et eius heredes, transtulit conferendo. Datum, feria secunda proxima post dominicam Judica, anno Domini M-o CCC-mo XL-mo nono.
Fragmen sigilli e rubro et viridi serico pendet. – Orig. in Arch. Cap. Poson. Publ. Capsa 14. fasc. 5. nr. 2.

[689] 1349. 9. Mart.

[690] 1349. 18. Mart.