Chetertekhel, similiter concive nostro ex altera, coram nobis constitutis; idem Zenthe, cum eisdem Ladislao et Thoma filiis suis, domum balnei sui, circa fluvium Gron existentem, cum omnibus suis utilitatibus et pertinenciis universis, confessus est dedisse et vendidisse, eidem comiti Marco et per eum in filios filiorum suorum, pro decem marcis denariorum plene receptorum ab eodem, perpetuo et irrevocabiliter possidendam, tenendam pariter et habendam; assumpmens et obligans se predictus Zenthe, cum filiis suis nominatis, ut processu temporum ab omnibus molestantibus racione prefate domus balnei, per eundem vendite, eundem comitem Marcum et suos heredes, propriis suis cum laboribus tenebitur liberare. In cuius rei memoriam, perpetuamque firmitatem, litteras nostras ad peticionem parcium concessimus (sic!) concedendas. Datum, in octavis sancti Georgii martiris, anno Domini M-o CCC-o XXXX-mo nono. Item quia sigillum nostrum tunc temporis non fuit bono modo conservatum et pro eo amissum extiterat et anichilatum, presentes litteras cum presenti sigillo nostro novo duximus sigillandas.
Sigillum marg. fuit appr. – Orig. membran., in Arch. Capit. Strigon. Publ. Capsa 34. fasc. 1. nr. 6.

907.
1349. (Ipolyság.) 5. Maii. – Conventus de Ságh, nobilem Heim, possessionem Pomach filiabus suis cessisse, testatur.
Nos Stephanus, prepositus et conventus fratrum ordinis Premonstratensis monasterii beate Virginis Marie de Saagh, memorie commendantes significamus universis quibus expedit, presencium per tenorem, quod Heym nobilis de Pamach, unacum consorte sua, nomine Anna, filia Vigman, filii Posa, ab una parte; ex altera vero Lachk, filius Iwanka, nobilis de Pyr, item Blasyus filius Mathie de Warna, coram nobis personaliter constituti, propositum extitit et relatum vivacite (sic) in hunc modum: quod predictus Heym, unacum predicta consorte sua, prolem masculinum non haberent, ad quem predicta possessio ipsorum Pomath dewolvi deberet, tandem ex consensu omnium proximorum suorum dederunt et contulerunt sponsis, ac filiabus ipsorum videlicet Lachk et consorte sue Chale vocate, item Egidio, filio Symonis de Kurtus et consorte eiusdem Colychs vocate, item Blasio antedicto et consorte eiusdem Chuna nomine, iure perpetuo possidendam, cum omnibus suis utilitatibus et pertinenciis. Item si aliquis inter ipsos prolem non habuerit, extunc ad illos qui haberent predicta possessio devolveretur; insuper medietatem molendini ipsorum, in fluvio Corpona existentem (sic), unacum curia ac sessione dederunt Lachk et Egidio, ac uxoribus eorumdem; sed predicto Blasio dederunt ex oposito sessionem ubicunque voluerit. In cuius rei memoriam, firmitatemque perpetuam, ad peticionem parcium, concessimus litteras nostras patentes (emans.: sigilli nostri) munimine roboratas; et quandocunque reportabuntur nostro privilegio tenebimur confirmare. Datum, feria tercia proxima ante festum beati Johannis ante portam Latinam, anno Domini M-o CCC-o XL-mo nono.
Sigillum margini exteriori fuit appressum. – Orig. membr., in Arch. Cap. Strigon. Publ. Capsa 69. fasc. 5. nr. 14.