908.
1349. Esztergom. 6. Maii. – Joannes archidiaconus Gömöriensis, vicarius Chanadini archieppi Strig., causam inter Joannem elect. Vesprim. et rectores eccl. Örs et Sasad agitatam, ad novum terminum prorogat.
Nos Johannes archidiaconus Gumuriensis et vicarius venerabilis in Christo patris domini Chanadini, Dei et apostolica gracia archyepiscopi Strigoniensis, locique eiusdem comitis perpetui, in spiritualibus generalis, damus pro memoria, quod causam, quam reverendus vir, dominus Johannes, electus confirmatus ecclesie Vesprimiensis, pro quo Johannes notarius et St(ephanus) Rufus serviens sui (sic), cum l[itte]ris procuratoriis eiusdem astiterunt, contra discretos viros Michaelem de Vrs et Benedictum de Sasad ecclesiarum plebanos et rectores personaliter comparentes, iuxta continenciam priorum litterarum nostrarum in octavis beati Georgii martiris[698] movere habebat coram nobis, ob reginale preceptum[699], nobis litteratorie per dictos rectores ecclesiarum productum, ad quindenas reversionis domini regis de presentis processibus Budam, vel alium locum mansionis eiusdem proxime habendum, peremptorie duximus prorogandam, statu, seu forma sub priori. Datum Strigonii, sexto die termini prenotati, anno Domini M-o CCC-o XL-mo nono.
Extus: Pro domino electo Vesprimiensi, contra rectores ecclesiarum de Vrs et de Sasad, ad quindenas reversionis domini regis de presentibus processibus Budam, vel alium locum mansionis eius proxime habendum, prorogatoria. – Sigillum tergo fuit appressum. – Orig. chart., in Arch. Cap. Vesprimiensis, Epp. Misc. nr. 24. Lad. 86.

909.
1349. Buda. 16. Maii. – Nicolaus palatinus, filios magistri Donch, super metis possessionum Gúta et Ekecs, pro parte Chanadini archiepiscopi, liti cessisse testatur.
[N]os Nicolaus, regni Hungarie palatinus et iudex Comanorum, memorie commendantes tenore presencium significamus quibus expedit universis, quod cum sub anno Domini millesimo CCC-o XL-mo quarto, magister Donch de Kamarun, Ladislaus, Stephanus et Nicolaus filii eiusdem, accepto Nicolao, filio Stephani de Neuma, homine nostro, feria secunda proxima post festum beati Barnabe apostoli in anno prenotato elapsum[700], sub testimonio ecclesie Jauriensis, metas possessionis eorumdem Ekech vocate, vicinorum et commetaneorum suorum circumquaque existencium, convocationibus legittimis factis, reambulare et iuxta veteres novas erigi et eam ab aliorum possessionibus separari et distingui facere voluissent, vir discretus Nicolaus plebanus de Nozuod et populi de Gutha, iobagiones scilicet venerabilis in Christo patris domini Chanadini, archyepiscopi Strigoniensis, locique eiusdem comitis perpetui, vice et nomine eiusdem domini archyepiscopi, non a reambulacione, sed a statucione et metarum ereccione contradiccionis velamine eisdem institissent; quem quidem dominum archyepiscopum, contra prefatum magistrum Donch et filios suos annotatos, ad octavas festi Nativitatis beati Johannis Baptiste atunc venturas[701], racionem dicte contradictorie inhibicionis redditurum, in nostram citassent presenciam. Demum dictis magistris

[698] 1349. 1. Maii.

[699] 1349. 28. Maii.

[700] 1344. 14. Jan.

[701] 1344. 1. Jul.