omnimode dominus rex, filius noster et nos deliberare et iudicium fieri volumus inter vos et cives nostros prenotatos. Datum Bude, in vigilia festi Assumpcionis Virginis gloriose.
Extus: Fidelibus suis, capitulo ecclesie Strigoniensis. – Sigillum anulare cerae rubrae impressum, in medio literam K exhibet, cum epigraphi: Sigillum secretum. – Ed., sed sine epigraphi, Pray de Sig. tab. I. fig. 4., et Perger: Bevezetés a diplomatikába, IV. tab. 4. – Orig. chart., in Arch. Cap. Strigon. Priv. Lad. 41. fasc. 10. nr. 28.

929.
1349. (Esztergom.) 21. Aug. – Capitulum Strigoniense, Joannem filium Aladarii, censum vineae in Nyirmál sitae, Leustachio civi Strigon. remisisse testatur.
Nos capitulum ecclesie Strigoniensis, significamus tenore presencium quibus expedit universis, quod Johannes, filius Aladarii pro se, ac domina matre sua, et Petych vitricus suus, personaliter ad nostram accedentes presenciam, dixerunt in hunc modum: quod censum vine (sic) Leustasii civis Strigoniensis, fratris Demetrii sacerdotis, canonici ecclesiae sancti Georgii martiris, in territorio Nyrmal et in terra eorum existentis, pro beneficiis, que ab eodem Leustasio in multis eorum necessitatibus recepissent, eidem Leustasio et suis heredibus perpetuo relaxassent; ita nichilominus, quod si ipsa vinea ad alias personas aliquo casu temporis in processu transiret, tunc ipsa gracia sibi facta exspiraret et ita censualis ipsa vinea extiteret, sicut extitit usque modo; et quia medietas ipsius terre Nyr ad nos titulo impignorativo, cum omnibus suis utilitatibus pertinere dignoscitur, ideo pro ipso censu nobis similem censum relinquerunt percipiendum et assignaverunt. Datum, in crastino festi beati Stephani regis, anno Domini M-o CCC-mo XL-mo nono.
Sigillum tergo fuit appressum. – Orig. membr., in Arch. Capit. Strigon. Priv. Lad. 29. fasc. 1. nr. 12.

930.
1349. Eger. 24. Aug. – Nicolaus episcopus Agriensis, capitulum Poson. semper decimam vinearum et quartam frugum habuisse, Ludovico I. regi rescribit.
Nos Nicolaus, miseracione divina et apostolica gracia episcopus Agriensis, significamus quorum interest vel intererit tenore presencium universis, quod nos anno Domini millesimo trecentesimo quadragesimo nono, in festo beati Bartholomei apostoli[726], litteras excellentissimi principis domini Lodovici, Dei gracia illustris regis Hungarie, domini nostri nobis presentatas recepimus in hec verba:
Lodouicus, Dei gracia rex Hungarie, fideli nostro venerabili in Christo patri domino Nicolao, episcopo Agriensi, salutem et graciam.
Continuat. ut nr. 932.
Ad quas eidem domino nostro regi respondimus in hunc modum: quod tempore quo prepositus Posoniensis extitimus, decima pars decimarum vini civitatis et comitatus Posoniensis, et medietas decimarum frugum eiusdem civitatis, ad ecclesiam Posoniensem, sew ad prepositum et capitulum pertinebat, et

[726] 1349. 24. Aug.