singulis vestrum assignamus, prefato domino archiepiscopo, vel procuratori suo, pro eo in civitate Strigoniensi quantitates predictas solvere et assignare curetis. Si vero, vos domini episcope et electe, requisicioni, monicioni, precepto et mandato nostro huiusmodi parere contempseritis, prout iustum fuerit, contra vos forcius procedemus; ac si vos vicarii, officiales, camerarii vel receptores in premissis exequentis contumaces, contemptores, vel rebelles fueritis, nos in illum, seu illos ex vobis, qui requisiti seu requisitus super premissis fuerint vel fuerit et mandatis nostris predictis parere, satisfacere, vel obedire contempserint seu contempserit, in hiis scriptis excommunicacionis sentenciam promulgamus. Ceterum imponendi ecclesiis et personis ecclesiasticis exemptis et non exemptis, ecclesiarum, civitatum et diocesium vestrarum de predicta summa, secundum morem apud vos in similibus et hactenus observatum, congruam et debitam porcionem, nec non compellendi per censuram ecclesiasticam et alia remedia oportuna ad solvendum vobis quantitatem, quam eisdem propter predicta duxeritis imponendi, plenam et liberam concedimus facultatem. Et nichilominus personis eisdem ecclesiasticis, sub pena excommunicacionis in personas et interdicti in eorum ecclesias, quas si contrafecerint, ipsos predicta canonica monicione premissa incurrere volumus ipso facto, et in eos et eorum quemlibet et in eorum ecclesias, qui contumax seu contumaces fuerint vel rebelles, ferimus in hiis scriptis, precipimus et mandamus, quatenus infra (exp.: spacium) terminum seu terminos, quem seu quos, eisdem duxeritis prefigendos, vobis seu illi vel illis, quem vel quos ad hec duxeritis deputandum vel deputandos, solvere et assignare procurent. Volumus antem, quod predicta quantitate vobis, seu camere vestre, congruam porcionem similiter imponatis, super quo vestram conscienciam honeramus. In quorum testimonium presentes litteras scribi fecimus et nostri sigilli impressione muniri. Datum Strigonii, anno Domini millesimo trecentesimo quadragesimo nono, indiccione [emansit.: II.] die lune XXVIII. Septembris.
Sigillum cerae rubrae in tergo fuit appressum. – Orig. chart., in Arch. Primat. Arch. Eccles. Vet. nr. 27/1.

939.
1349. Esztergom. 28. Sept. – Ildebrandinus episcopus Paduanus, nuntius apostolicus, Chanadinum archiepiscopum Strigoniensem, pro diurnis centum et triginta duos florenos solvisse, perhibet.
In nomine Domini amen. Anno Domini millesimo trecentesimo quadragesimo nono, indiccione secunda, die lune[735], vicesimo octavo Septembris, in presencia mei notarii et testium infrascriptorum: reverendus in Christo pater dominus Ildebrandinus, permissione divina episcopus Paduanus, per reverendissimum patrem dominum Guidonem, tituli sancte Cecilie presbiterum cardinalem, apostolice sedis legatum, ad serenissimum principem dominum Ludouicum, Vngarie regem et partes aliquas eiusdem regni nuncius destinatus, recepit a reverendo patre domino Chanadino archiepiscopo Strigoniensi solvente pro se et mensa sua: et pro reverendis patribus dominis episcopo Jauriensi et electo Vesprimiensi, et ecclesiis et personis ecclesiasticis exemptis et non exemptis, cathedralibus et aliis inferioribus Strigoniensis, Jauriensis,

[735] 1349. 28. Sept.