vinea aut libertate eiusdem non habere se asserens coram nobis exhibuerit, tamen quia de annotata pensione sive terragio sedecim denariorum nulla penitus continebatur mencio in eisdem ipsiusque pensionis sew terragii solucio tam per priores ipsius vinee possessores, quam eciam per eundem Wallentinum pistorem exclusis tribus annis annotatis fratribus in dicto claustro Sancte Anne Deo famulantibus, prout ex assercionibus fidedignorum testium canonice attestatorum colligebatur, facta fuisse reperiebatur et ex eo solucio ipsius terragii sedecim denariorum per sepedictum Wallentinum pistorem in predictis tribus annis potencialiter reservata fore videbatur. Ob hoc ex predictis testium assercionibus nostrum animum conformantes una cum honorabilibus viris, dominis de capitulo Strigoniensi, amicis nostris quasi collegialiter inibi consedentibus annotatum Wallentinum pistorem racione indebite reservacionis ipsius terragii per ipsum facte contra eosdem fratres in facto potencie committentes vel condempnantes, sepedictum dominum priorem de predicto claustro cum suis fratribus in dominium et corporalem possessionem exaccionis dicti terragii eo iure et titulo, quo ad eosdem pertinere dinosscebatur auctoritate ordinaria duximus restituendos vel restituendum. In cuius rei memoriam firmitatemque perpetuam ac solidius documentum nostras patentes litteras appensione nostri sigilli consignatas eisdem fratribus duximus concedendas. Datum Strigonii, in vigilia festi Beati Thome apostoli, anno Domini Mmo CCCmo quinquagesimo octavo.

176.
1358 december 20. Avignon

VI. Ince pápa egy év és negyven napi búcsúban részesiti azokat, akik az esztergomi Szent Adalbert egyházat a felsorolt ünnepeken meglátogatják.

Hártya, 546 x 300 + 105 mm. Vörös és sárga színű selyemzsinóron függő ólompecsét. Előlapján a bal felső sarokban: l(ecta) a jobb felső sarokban: R, a plika alatt balra a. taxa: XII, (oszloposan) alatta: Io. Bellih. a plikán jobbra: R., alatta: B. Steph(an)i. Hátlapján a felső szélén középen: G. de Novo Castro, alatta: R(egistrata), a jobb alsó sarkában: annum et XLa dierum indulgentiarum. Prímási lvt., AEV, no 28. (DF 248 990). Kiadás: C. Transilvania, XI, 341, (342) Regeszta: Áldásy, Regesták, 267 (313) Tangl, Kanzleiordnungen, 330-331, no (136).

INNOCENTIUS episcopus servus servorum Dei universis Christi fidelibus presentes litteras inspecturis salutem et apostolicam benedictionem! Splendor paterne glorie, qui sua mundum illuminat ineffabili claritate, pia vota fidelium de clementissima ipsius maiestate sperantium tunc precipue benigno favore prosequitur, cum devota ipsorum humilitas sanctorum precibus et meritis adiuvatur. Cupientes igitur, ut ecclesia Strigoniensis, que sub vocabulo sancti Addalberti confessoris constructa esse dinoscitur, congruis honoribus frequentetur et ut Christi fideles eo libentius causa devotionis confluant ad eandem, quo ibidem uberius dono celestis gratie conspexerint se refectos, de