18.
1351. május 3.

Az esztergomi keresztes konvent bizonyítja, hogy előtte Vesszős mester az érsekség Bars megyei, Ölved nevű birtokáért cserébe Kisfalu nevű birtokot adta Miklós érseknek, s a Szent Adalbert székesegyház építésére ezt kiegészítendő kétszáz forintot és száz nagy gerendát adományozott.

Alul kirografált hártya, 407 x 222 + 30 mm. Zöld színű pecsétzsinóron az esztergomi Szentkirályról nevezett keresztes konvent pecsétje. Két sor mélységű C iniciálé, melynek három sornyi helyet hagytak. Prímási lvt. Arch. saeculare Radicalia I-81 (DF 248 350). Tartalmilag átírta Garai Miklós nádor 1381. március 25-én Visegrádon kelt, a budai káptalanhoz intézett megkereső levelében, Prímási lvt. Arch. saeculare Radicalia 1-86 (DF 248 355).
Conventus cruciferorum domus hospitalis ecclesie Sancti regis Stephani de Strigonio. Omnibus Christi fidelibus presens scriptum inspecturis salutem in omnium salvatore. Ea, que humaniter aguntur, fragilitate humana ne oblivioni mandentur, patrocinio litterarum solent communiri. Proinde ad universorum tam presencium, quam futurorum noticiam harum serie volumus pervenire, quod magister Wezzeus, iuvenis et miles aule domini regis ab una, ac magister Stephanus castellanus et vicecomes Strigoniensis cum legitimis procuratoriis litteris domini Nicolai, Dei gracia archyelecti, confirmati, consecrati ecclesie Strigoniensis locique eiusdem comitis perpetui in persona eiusdem domini Nicolai archyelecti, domini sui parte ab altera coram nobis personaliter constituti per eundem magistrum Wezzeus propositum extitit oraculo vive vocis et relatum in hunc modum, quod quia quedam possessio ecclesie Strigoniensis archyepiscopalis Wlved vocata in comitatu Borsyensi existens racione propinquitatis alterius sue possessionis Sarlou vocate sibi admodum esset utilis et necessaria, eandem ab ipso domino Nicolao archyelecto, confirmato et consecrato predicte ecclesie Strigoniensis cum omnibus suis utilitatibus et pertinenciis universis de consensu sui capituli per modum permutacionis habuisset tali modo, quod pro eadem possessione Wlwed et in concambium ac permutacionem eiusdem idem magister Wezzeus quandam possessionem suam Kyusfolu nuncupatam in comitatu Borsiensi predicto habitam per excellentem principem, dominum Lodovicum, Dei gracia regem Hungarie in concambium sibi traditam sub hiis metis et terminis, quibus per priores suos possessores ipsa possessio habita extitisset et possessa, eidem domino Nicolao archyelecto et ecclesie sue Strigoniensi in perpetuum dedisset et tradidisset ac dedit et tradidit cum suis utilitatibus universis coram nobis, totum ius, dominium et proprietatem eidem amodo in ipsum dominum archyelectum et suam ecclesiam transferendo nil iuris nichilque proprietatis de eadem sibi et suis deinceps reservando. Et quia predicta possessio Wlued maioris valoris esse videbatur, ideo in supplementum huiusmodi defectus idem magister Wezzeus pro opere ecclesie Sancti Adalberti eidem domino Nicolao archyelecto ducentos et quinquaginta florenos dedit et persolvit coram nobis et insuper centum magna ligna borona dicta in longitudine triginta ulnas in se continencia dedit et assignavit coram nobis. Insuper idem magister Wezzeus assumpsit ipsum dominum Nicolaum archyelectum et ecclesiam suam Stngoniensem in predicta possessione Kyusfolu conservare et ab omnibus temporis intervallo racione ipsius