545.
1302. 25. Maii. - Capitulum Poson. magistrum Jacobum de Homoro Hertlino Judici Poson. terram Petri Jó legény vendidisse testatur.
A. B. C.
Vniuersis Xi. fidelibus, presentes litteras inspecturis, Capitulum ecclesie Poson. salutem in domino. Ad uniuersorum noticiam tenore presencium uolumus peruenire, (quod) constitutis personaliter coram nobis magistro Jacobo filio Stephani de Humurou et comite Ladizlao fratre suo, ex una parte; Hertlino iudice ciuitatis Poson. ex altera; idem magister Jacobus est confessus, quod ipse quandam (particulam) terre in Chollokuz inter terram Huet et terram Miser existentem, scilicet terram Petri fili Joleguen, quam comes Abraham de sancto Georgio eidem magistro Jacobo pro concambio, uidelicet pro quadam terra ... uocata, prope sanctum Georgium existente, quondam dedisset et locasset iure perpetuo possidendam, nunc autem (eidem) Hertel (sic) et per eum suis heredibus, heredumque suorum successoribus predictam terram Petri fili Joleguen cum omnibus utilitatibus et pertinencijs uniuersis, permittentibus et consencientibus comite Abraham domino suo et comite Ladizlao fratre suo supradictis, pro undecim marcis latorum denariorum Wiennensium uendidisset, dedisset et locasset inreuocabiliter iure perpetuo possidendam, quam summam pecunie idem magister Jacobus est confessus plene se recepisse et habere; obligando se, (quod quicunque processu temporum) eundem Hertlinum, aut suos successores racione dicte terre uellet impetere, uel uexare; extunc idem magister Jacobus eundem Hertlinum, uel suos successores teneretur expedire proprijs laboribus et expensis. In cuius (rei testimonium nostras) dedimus litteras sigilli nostri munimine roboratas. Datum in festo vrbani pape. Anno domini M°. CCC°. secundo. Extus: super terra petri Jolegen. - Sigillum e flavo et rubro serico pendet. Orig. humore corruptum in Arch. Cap. Poson. publ. Capsa 14. fasc. 12. Nr. 5. - Literas Comitis Abrahae de Szentgyörgy in eodem negotio eadem die editas, vide Nagy Cod. Andeg. I. 31.
546.
1302. 1. Jun. - Capitulum Poson. Elisabetham de villa Sápi cum Aegidio de eadom villa quoad dotem suam convenisse testatur.
A
Nos Capitulum ecclesie poson. omnibus xpi. fidelibus, presentem paginam inspecturis, salutem in salutis largitore. Ad uniuersorum noticiam tenore

---