556.
1302. - Nicolaus de Kural restituit Nobilibus de Divék particulam terrae.
Restitutor.
Item Nicolaus, filius Ompod, de Kural, reddidit et restituit de consensu Thome, filij Zaland de Kural.
In anno domini 1302 A n n i vsque modo 129
Acceptores.
Barleo et Irozlao, filijs Ban, nobilibus de dyuegh, ac andree et Johanni, filijs Bodmerij, terram ad vsum vnius aratri et vnam sessionem ad latitudinem duorum Iugerum, per longitudinem ipsius terre, de terra Kural, alias axdam, petro filio Marcelli et Irozlao fratre, ac romano cognato eiusdem comparante (?) pro duabus marcis denariorum.
E registro a. 1431. Orig. membran. in Arch. Prim. Sec. Lad. K. fasc. 5. Nro. 52.
557.
1303. 13. Jan. - Capitulum Poson. Comitem Abrahamum rufum de Berencs Comiti Ivánka dotem aviae et quartam matris suae de terra Galántha exsolvisse perhibet.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium volumus peruenire, quod constitutis coram nobis Comite Iwanka, filio Leeg et Nicolao filio suo, ex una parte; Comite Abraam ruffo de Berench, ex altera; sunt confessi, Quod licet mota fuerit materia questionis inter ipsos super dote et dotalicijs auie eiusdem Iwanka et quarta parte matris sue, de terra Galantha, eidem Iwanka pertinente, et diu altercati fuissent; ad ultimum tamen, mediantibus probis viris, in talem pacis concordiam deuenissent, Quod predictus Abraam eidem Iwanka et filio suo predictam dotem auie sue et quartam matris sue omnino persoluisset et sic predicti Iwanka et filius eius Nicolaus eundem Comitem Abraam de dicta dote et quarta predicta reddiderunt omnino expeditum. Obligando se, quod quicunque processu temporum ipsum Abraam racione dotis, aut racione quarte sepedicte vellet molestare; extunc sepedicti Iwanka et Nicolaus tenebuntur eundem Abraam expedire proprijs suis laboribus et expensis. In cuius rei memoriam nostras