metarum ac aliis factis potenciariis per procuratorem dicti conventus contra ipsum Georgium, filium Petri, Saulum, famulum suum, Mykch, filium Heym, Martinum et Herke, filium Benedicti iobagiones eiusdem[577] Georgii sibi statuere commissos declaratis faceremus, quid iuri videretur expedire regni consuetudine requirente, denique ipso octavo die octavarum Diei cynerum, termino videlicet reportacionis seriei premissarum adveniente religiosus vir, frater Andreas, prepositus dicti monasterii Sancti Benedicti pro eodem conventu cum procuratoriis litteris eorundem ab una et ipse Georgius, filius Petri personaliter parte ex altera ad nostram accedentes presenciam litteras prememorati capituli ecclesie Nytriensis regie maiestati rescripcionales nobis presentarunt, in quibus inter cetera comperimus haberi manifestum, quod ipsum capitulum ecclesie Nytriensis litteris nostris amicabiliter receptis unacum Nicolao, filio Benedicti de Baluan predicto discretum virum, magistrum Iacobum, socium et concanonicum ipsorum pro parte ipsius conventus Sancti Benedicti, item cum Nicolao de Kyurch prenominato Nicolaum, sacerdotem chori ecclesie ipsorum pro parte iamdicti Georgii, filii Petri de Nymchen in causam attracti hominibus regiis ipsorum homines pro testimoniis ad ea, que in prefixis litteris nostris continebantur, exequenda duxisset transmittendos, qui demum ad ipsum capitulum reversi eidem concorditer retulissent, quod ipsi in octavis Diei cynerum proxime nunc[578] preteritis primo ad faciem dicte possessionis Kouachy vocate vicinis et commetaneis eiusdem universis legitime inibi convocatis et partibus presentibus, videlicet prefato Georgio personaliter et domino fratre Ulrico abbate ac fratre Andrea, preposito dicti monasterii Sancti Benedicti cum sufficientibus litteris procuratoriis conventus eiusdem ecclesie pro conventu eodem accessissent, ubi dictus dominus abbas et prepositus primo in terra arabili arenosa dixissent fuisse metam terream, quam Georgius destrui fecisset, deinde curreret ultra quandam vallem magnam versus septemtrionem ad viam magnam, iuxta quam ostendisset unum monticulum vulgariter holm dictum, ubi ipsam possessionem Kouachy terminari dixisset, quarum iuxta primam dictus Georgius dominum regem, penes aliam vero nobiles de Volkouch commetaneos suos fore asseruisset et quia ipsa terra[579], quam dicti abbas et prepositus ad possessionem ipsorum Kouachy antedictam pertinere asseruissent, ad possessionem suam Nemchen sepedictam pertineret, nec unquam in ipsis locis alique mete fuissent, unde eosdem abbatem et prepositum in dictis locis ab ereccione metarum prohibuisset[580] asserens dictum conventum racione commetaneitatis sibi in nullo attinere. Post hec ad faciem sepedicte possessionis Rohosnicha accessissent, ubi primo iuxta quandam viam, que ducit de Morouth ad Bors, ostendisset primam metam terream, in qua arbor tulfa vulgariter dicta esset succisa, quam ambe partes veram metam esse cursualiter affirmassent, deinde parum[581] versus meridiem flectendo curreret ad rivulum Rohosnicha vocatum et per ipsum rivulum[582] transeundo veniret ad quandam foveam aquosam et deinde versus meridiem pergendo veniret ad unum holm iuxta dictam viam Borsyensem, quas memoratus Georgius non esse metas dixisset, deinde per ipsam viam ad eandem plagam meridionalem currendo veniret ad unam metam terream, quam similiter veram et inter se cursualem affirmassent, ubi[583] duas metas fuisse asseruissent, quarum alteram, ut idem Georgius dixisset, dictus dominus abbas Ulricus destrui fecisset, dictusque dominus abbas econtrario ipsum Georgium

[577] sor fölé írva, alatta kihúzva: ipsorum

[578] sor fölé írva

[579] sor fölé írva

[580] prohibuissent-ből javítva

[581] az eredetiben: parvum

[582] vocatum et per ipsum rivulum: sor fölé írva

[583] utána kihúzva: dictas