pedibus discalciatis et terram ad capita ipsorum levando ac genliter dicendo, prout moris est iuxta consuetudinem regni iurare super terram, per eadem verba sacramentum prestare teneantur, qui videlicet dominus abbas, si premissa conscienciose dixerit et alii sui coniuratores, ut premittitur, prestiterint et prestare potuerint, tunc ipsam particulam terre litigiosam ad tria aratra estimatam eidem monasterio Sancti Benedicti et per consequens predicto domino abbati et suo conventui, si vero idem dominus abbas premissa conscienciose dicere et alii sui coniuratores, ut est premissum, prestare nollent vel non possent, tunc ipsam predicto Georgio ad dictam possessionem suam Nemchyn vocatam applicando iidem homines regii[647] et dicti capituli Wachyensis testimonia statuant et committant eo iure, quo sibi pertinere dinoscuntur, perpetuo possidendam salvo iure alieno. Et post hec seriem ipsius conscienciose fassionis ac iuramentorum cum propriis et possessionum coniuratorum nominibus ac tocius facti peracti negocii processu ipse partes in litteris eiusdem capituli Wachyensis octavo die earundem octavarum festi Beati Iacobi apostoli nostro iudiciario examini reportare teneantur. Et quia ipsa iuramentalis deposicio multa verba in se continet, ideo volumus, ut testimonium ipsius capituli pro parte eiusdem domini abbatis ad videndum ipsum iuramentum deputatum eidem domino abbati et singulis suis coniuratpribus de verbo ad verbum paulatim et seriatim recitare teneatur, partibus tamen liberam concessimus concordandi facultatem, dummodo nos iuxta extensionem gravaminis cause ipsorum in eodem termino tanquam iudicem eorum ordinarium velint complacare. Datum, in Vissegrad, octavo die termini prenotati, anno Domini Mo ccco lmo octavo.
[647] utána kihúzva: presentibus
Első
