156.
1358. május 11.

Bars városa előtt a garamszentbenedeki konvent a város mellett fekvő földjét a város négy polgárának adta bérbe tíz évre.

Papír, 292 x 97 mm. Hátlapon rányomott pecsét nyoma. Középkori kézzel: Locatio terre Sceulen hospitibus de Bars; valamint újkori tartalmi kivonat és levéltári jelzet. Eszt. kpt. mlt. 40-4-11 (DF 237 074).

Nos, iudex, iurati et tota communitas civium seu hospitum de Bors significamus universis, quibus expedit presencium per tenorem, quod Ladizlaus, famulus domini Ulrici abbatis monasterii Sancti Benedicti de iuxta fluvium Goron ab una, item Kunchmannus Faber, Cosmas, filius Pauli, Mark, filius Bas et Iacobus, filius Pauli, concives nostri parte ab altera coram nobis personaliter constituti, idem Ladizlaus vice et nomine ipsius domini Ulrici abbatis et conventus Sancti Benedicti contulit et locavit possessionariam terram eiusdem monasterii Sancti Benedicti prope civitatem nostram adiacentem Seulen nominatam cum omnibus suis utilitatibus ad colendum et utendum predictis concivibus nostris a festo Beati Michahelis archangeli in auctumno[658] proxime nunc venturo per decem annorum spacia pro censu annuali eo modo, quod singulis futuris annis prenotati concives nostri duas marcas latorum Wienensium denariorum decem pensas pro marca computando, cum muneribus, vel monet[659] domini nostri regis denariorum, si qui fuerint, tunc pro tempore currencium supradictis domino Ulrico abbati et conventui Sancti Benedicti in eorum monasterio solvere tenebuntur et assumpserunt in terminis et sub penis infrascriptis, videlicet in festo Beati Georgii martiris vel in octavis eiusdem sine crastinacione unam marcam et pro muneribus unum agnum et quatuor tortas, item in festo Beati Michahelis archangeli inmediate occurrenti vel in octavis eiusdem simili modo sine crastinacione unam marcam et pro muneribus quatuor tortas et quatuor kappones penam duppli se obligando incursuros[660], si quem predictorum terminorum singulis futuris annis obmitterent insolvendo, deinde si ipsam principalem solucionem cum pena dupli infra quindenas termini obmissi inmediate subsequentes coram testimonio alicuius capituli vel conventus solvere non curarent, extunc predictam principalem solucionem cum pena dupli ante litis ingressum persolvendam convincerentur et essent convicti eo facto et prenotata terra Seulen sine retractacione ad ipsum monasterium iterato devolveretur, addicientes, quod singulis annis memorati concives nostri sepedictam terram Seulen debebunt colere et incultam non permittere ac metas ipsius illesas conservare. Finito autem decimo anno sepius recitatam possessionariam terram monasterii sine diminucione et omni contradiccionis obstaculo[661] antedictis domino abbati et suo conventui sine impedimento tenebuntur et assumpserunt resignare; assumpserunt eciam prenotati concives nostri, quod si infra ipsa decem annorum spacia aliquis eorum sive plures ad alium locum se transferrent ad conmanendum vel celi Domino vocante debitum carnis exsolverent, qui remanerent vel superviverent ad soluciones supenus expressas plenarie et ex toto persolvendas una cum muneribus essent penitus astricti omni contradiccione procul mota

[658] így az eredetiben

[659] az eredetiben: monte

[660] az eredetiben: incursurus

[661] az eredetiben: abstaculo