Condicionarij autem et serui ecclesie Strigon., in predictis duobus locis residentes, a finibus duarum Insularum supra, uersus Strigonium, piscari sine contradiccione poterunt, quando uolent. In terra autem et in siluis taliter separantur ab inuicem: Incipiendo primo retro finem tercie Curie in villa Helumba, per unam lineam Jugeris, quasi ceteris alciorem, vadit ad viam, per quam itur subtus montem et retro villam Helumba, et per illam viam uadit in dolnapatakateu uersus orientem, ubi eadem via transit, et ille transitus pro meta habetur, cum uno monticulo iuxta transitum, in quo est lapis, parum discopertus; deinde per eandem viam transeundo similiter uersus orientem, incipit ascendere in montem, Nergesberch vocatum, et in ascendendo circuit vineam archiepiscopalem, ubi reflectitur uersus septemtrionem, et vadit per eandem viam directe in dorso eiusdem montis de uno loco eleuato ad alium locum montuosum, magis eleuatum, semper per eandem viam, et inde per eandem viam, minus quam ad iacturam sagitte et plus quam ad iactum lapidis, uenit ad quendam locum, ubi predicta uia diuiditur in duas vias, inter quas sunt duo parui lapides naturales, contigui, quas siluarum Custodes Ykurku nominarunt; et inde exit de predicta via ad dexteram partem et descendit in vallem, Sarkanusfeu nominatum, et uadit descendendo iuxta meatum Sarkanus usque ad viam, iuxta ramum eiusdem Sarkanus usque ad viam, que descendit ueniendo de Leled uersus Damas; Inde sunt tres mete terrehe iuxta viam predictam et duos ramos Sarkanuspotoka; et inde directe uersus septemtrionem transit Sarkanuspotoka, et vadit et ascendit ad montem, Heurhegh nominatum, in illo loco, ubi ex alia parte ipsius montis Heurhegh, Pachawelge incipit et descendendo terminatur in portu Ipuluyze; et inde intrat in quadam parua Insula in fluuium Ipul Erche nocata; et sic mete terminantur. Quas quidem separaciones et distincciones metarum omnium, per antiquos homines, vicinos et commetaneos earumdem terrarum et piscacionum ueraciter indagando, modo premisso inuentas, partes predicte pro uero acceptarunt, et perpetuo duraturas, sub eadem pena centum inarcarum, si qua ipsarum, processu temporis uoluerit in Judicio uel extra Judicium contraire. In cuius rei memoriam, firmitatemque perpetuam partibus uolentibus, presentes concessimus, dupplicis sigilli nostri munimine roboratas. Actum et datum iuxta fluuium Wagh, Anno domini Millesimo, ducentesimo, sexagesimo Secundo. Venerabili in xpo. patre, domino Stephano Archiepiscopo Colochensi; Stephano bano de Zeurino; Baas Judice Curie nostre; Benedicto magistro agasonum nostrorum; Dominico magistro pincernarum nostrorum; Farkasio Comite de Zothmar et Nicolao Comite de Zabolch, ceterisque quam pluribus, Comitatus Regni nostri tenentibus et honores.
A tergo adnotatur: Acquisitum ex Capitulo Vesprimiensi 9. Sept. 1716. Sigillum cum zona avulsum. Orig. in Arch. Cap. Strig. priv. Lad. 70. Fasc. 1. Nrq. 1.