617.
1262. 24. Maii. - Capitulum Nitriense quosdam Jobagiones castri Barsiensis partem terrae Tolmács Ecclesiae de Gron restituisse testatur.
A B C
Capitulum ecclesie Nitriensis, Omnibus xpi. fidelibus, ad quos presens scriptum venerit, salutem in uero salutari. Ad uniuersorum noticiam tenore presencium uolumus peruenire, quod andovnyk filius andree et Martinus filius Puyne, de uilla korsak, Borsensis castri Jobagiones, pro se, Bors et Barleo, filiis Bothus, nec non pro Falch, filio farkasii de eadem, coram nobis personaliter constituti, quandam particulam terre de terra Tulmach, quam ab ecclesia sancti Benedicti cum litis materia proponebant alienare, cousiderantes tandem non ad ipsos, sed ad ecelesiam pertinere prenotatam, reliquerunt eidem cum omnibus suis vtilitatibus, unam marcam argenti racione expensarum recipientes ab eadem, perpetuo seu pacifice possidendam. Promittentes similiter expedire particulam terre pretaxatam, si per quempiam processu, temporis retractaretur. In cuius rei memoriam presentes litteras concessimus, sigilli nostri munimine roboratas. Anno domini Mo. CCo. LXo. IIo. Quarta feria post diem asscensionis domini. magistro Demetrio ecclesie nostre lectore existente.
Sigillum e rubro serico dependebat. Orig. in Arch. Aerarii Regii Acta Eccl. Fasc. 24. Nro. 52. - Fejér Cod. dipl. IV. III. 97. - Wenzel 1. c. VII. 129. erronee ad a. 1242. ponit.
618.
1262, 28. Oct. - Bela IV. immunitates Ecclesiae Strigon. enumerat et confirmat, praesentesque litteras suas pro originali Privilegio deputat.
Bela dei gracia Hungaric, Dalmacie, Croacie, Rame, Seruie, Gallicie, Lodomerie, Cumanieque Rex, omnibus, quibus presentes patuerint, salutem in omnium saluatore. Omnis fidei catholice cultor, qui xtum. pro humani generis redempcione passum, in exaltacione sue ecclesie, quam sanguine proprio fundauit et stabiliuit, pro recompensacione transitorij receperit in heredem, mercedem recipiet eternam in patria sempiterna. Proinde ad uniuersorum, tam presencium, quam futurorum, harum serie noticiam volumus peruenire, Quod licet enim sancta Strigoniensis ecclesia, a sanctis nostris Regibus, progenitoribus, plurimis libertatibus, exempcionibus, dominijs et possessionarijs donacionibus, ac munificencijs amplissimis, a prima sui fundacione incipiens, sit perpetuo decorata et priuilegiata, ac per sanctam sedem apostolicam confirmata