et usque modo in eisdem libertatibus, dominijs, exempcionibus, decimacionibus, vrburarum auri et argenti, ac camerarum monetas cudencium, ac pecudum et pecorum, proueniencium ab Olachis et siculis, cum proprietate et possessione earumdem, sit usa et freta sine diminucione; quia tamen in dispersis priuilegijs et pluribus litteris Regalibus plurimorum Regum, nostrorum predecessorum, sanctorum progenitorum, omnes libertates, exempciones, donaciones et (deci)maciones superius expresse, in toto et in qualibet sui parte inserte et scripte continebantur et quia grauissimum erat et laboriosum, ymo periculosum tot deferre priuilegia in uiarum discrimine et quia quedam uetustate, quedam aquarum madidacione ex eisdem corrumpebantur et (uidebantur breuiter an)nullari, racione equitatis quasdam libertates et donaciones de eisdem litteris priuilegialibus, (sanct)e Strigon. ecclesie perpetuo factas et concessas, ad venerabilis patris, domini Philippi, archiepiscopi Strigon., instantem peticionem et iustam supplicacionem, de consilio domine Marie, consortis nostre kari(ssime regine) et baronum nostrorum, in nostrum Priuilegium, tamquam in originale, inseri fecimus et transcribi, ut si predicta Priuilegia uetustate consumantur, uel aliquo contingente casu perdantur, super predictis o(mnibus) nostrum Priuilegium pro totali originali habeatur. Ne id, quod semel deo dedicatam est, ad prophanos usus reuocetur. Quarum quidem libertatum prima hec est:
quod nullus Judicum Curie nostre, uel Palatinorum Regni nostri, seu quicunque Comites, uel Judices, quocumque nomine nominentur, populos ecclesie Strigoniensis, condicionarios et nobiles suos uniuersos, iudicare ualeat uel presumat: sed eiusdem ecclesie Strigon. Judices, videlicet Palatinus suus, uel Judex Curie sue, aut terrestris comes, per archiepiscopum deputati, in omnibus causis et causarum articulis Judicabunt.
Item decimam partem de vrburis, prouenientibus Regie maiestati, percipiet archiepiscopus Strigon., qui fuerit pro tempore, per totum Regnum Hung.
Item similiter decimam partem percipiet idem archiepiscopus ante omnia de fructibus Camerarum, pro quantacumque pecunia poterunt locari; exceptis ponderibus, qui officialibus archiepiscopi pro ferramenti custodia sunt deputata.
Item similiter de pecudibus et pecoribus, exhigendis ab olachis et siculis, idem archiepiscopus percipiet decimam partem.
Item quod nobiles Regni nostri ipsi ecclesie Strigon. possessiones suas, uiuentes et morientes, sine requisicione Regie maiestatis ulteriori, donare et legare possunt, sine preiudicio tamen possessionum suorum proxiraorum, et se subicere ad seruiendum more nobilium exercituancium aliorum; saluo eo, quod vduornici et Tawernici,[615] ac ceteri seruilis condicionis homines, Regie et Reginali maiestati subiaceates et ad certa seruicia deputati, hoc facere non possunt, nisi super eo per

[615] In transumto Caroli regis de a. 1332. exmissum.