seu quilibet seruientes karissimi patris nostri, in porcione Regni, nobis assignata, Domicilia et Possessiones obtinentes, in eundo ad ea et morando in eis, ac redeundo ad memoratum karissimum patrem nostrum, in pace tranquilla, quiete pacifica et securitate gaudeant inconcussa. Eo pretextu, uel occasione, quod karissimo patri nostro adheserunt, uel qui in futurum adheserint, cum adherendi ei et sequendi eum vniuersi Regnicole, iuxta ordinacionem factam, largam licenciam et liberam habeant facultatem, nullum metum, nullam omnino formidinem habituri, sed in personis, possessionibus, familijs, terris et territoriis, ac bonis omnibus indistincte plena pace gaudeant et securitate pacifica iocundentur.
Promittimus eciam tactis euuangelijs et sanctorum Reliquijs, quod ecclesiarum, barronum, seruientum seu nobilium in porcione Regni, nobis assignata, iura, libertates, emunitates, status et priuilegia conseruabimus et quantum in nobis est, faciemus et conseruari curabimus cum effectu, secundum continenciam et tenorem litterarum nostrarum, super huiusmodi ordinacionibus confectarum, quarum mencionem fecimus in premissis.
Item tactis sacrosanctis et coram positis Reliquijs promittimus, quod super attendendis et obseruandis omnibus et singulis, que premisimus et que inferius inserentur, et specialiter super reformandis, restaurandis, deffendendis et conseruandis deperditis, depressis et supressis per iniuriam ecclesiarum, seruientum seu nobilium in porcione Regni, nobis assignata, uenerabiles patres, Strigoniensis et Colochensis archiepiscopi, quorum iurisdicionem in hac parte in nos uoluntarij et ydonei prorogamus, per censuram ecclesiasticam nos ualeant et debeant cohercere, non obstante priuilegio, si quid nobis a sede apostolica esset indultum, cui in hijs renunciamus, ne absque mandato sedis apostolice speciali excommunicari, uelinterdici possimus per ordinarium, uel ordinarios nostros, seu littcras apostolicas, non facientes plenam et expressam de indulto huiusmodi mencionem.
Accedentibus eciam omnium Barronum nostrum consilio et consensu consentimus et sub iurisiurandi religione compromittimus, ut si contra composicionem et ordinacionem, presentibus intersertam, nos, uel predictus pater noster karissimus, guerram uel exercitum mouere uoluerimus; nos, uel ipsum, qui temerator et transgressor presentis composicionis et pacifice ordinacionis fuerit, dicti venerabiles patres, Strigoniensis et Colochensis archiepiscopi, quorum iurisdiccionem in nos, nos et karissimus pater noster in hoc negocio presencium testimonio prorogamus. subiciendi nos et terram nostram interdicto, et excommunicandi nos et nostros, si necesse fuerit, habeant facultatem. Sed ne alteruter nostrum per maliciosam conficcionem, uel calumpniosam adinuencionem, preter culpam, falso et inique aliquid inpingatur; dicti venerabiles patres de emergentibus ab alterutro nostrum iniurijs primum de plano et sine strepitu iudiciorum, cognoscent, et tunc demum, si paternaliter ammonendo iniuriantem et iniuriosum guerre incitatorem nos, uel ipsum karissimum patrem nostruta compescere