620.
1262. - Capitulum Strigon, Moniales Insulae Strigon, partem cuiusdam insulae Sidód Cruciferis Strigon. vendidisse testatur.
A B C D
Gregorius Prepositus et Capitulum ecclesie Strigon. Omnibus xpi. fidelibus, presentes litteras inspecturis, salutem in uero salutari. Ad uniuersorum noticiam tenore presencium uolumus peruenire, quod constitutis in nostra presencia Petro Priore crucifero, pro Magistro Laurencio et Conuentu Domus Hospitalis Sancti Regis, ex una parte; et Abbatissa beatissime Marie virginis de Insula de Strigonio, ex altera; propositum ex eorumdem parte extitit coram nobis, quod cum ecclesia beate virginis de Insula memorata porciunculam possessionis Keched nomine, eidem ecclesie ualde utilem, haberet pignori obligatam, nec mobilia haberet, unde ualeret redimere; partem cuiusdam Insule, sibi minus utilem, nomine Sydoud, cum terrula sufficienti ad usum unius aratri, in medio terre ecclesie sancti Regis iacente, cum communi tractatu et consilio sororum et iobagionum eiusdem ecclesie, perspicientes meliora sine dubio ex hoc eidem ecclesie sancte Marie prouenire, pro duodecim Marcis argenti, quas se habere predicta Abbatissa est confessa, memorate ecclesie sancti Regis de Strigonio se asseruit uendidisse et eciam tradidisse pro recepcione possessionis supradicte et reficiendis sartatectis et domibus necessariis, que resarciri aliunde non ualebant. Supplicantes, ut nos litteras nostras exinde, prout moris est et consuetudinis ac iuris, dari faceremus; quorum peticioni et instancie annuentes, litteras nostras presentes dedimus, sigilli nostri munimine roboratas. Datum Anno domini Millesimo Ducentesimo sexagesimo secundo.
Sigillum e flavo et viridi serico pendebat. Orig. in Arch. Cap. Poson. Capsa 2. Cruciferorum Fasc. 5. Nro. 46. - Fejér Cod. dipl. IV. III. 379. erronee ad a. 1266. ponit.
621.
1262. - Nicolaus Archidiaconus Neogradiensis „villam curui Johannis, Beren uocatam,” quam „Boht sacerdos Ecclesie S. Michaelis Archangeli de Kezv,” ad parochiam suam pertinere asserebat, Ecclesiae omnium sanctorum
de Beren adiudicat, quia ex inquisitione, „quibusdam sacerdotibus senioribus parochie (seu Archidiaconatus) nostre, scilicet Vicario nostro Ladomerio de Filek, Andre de Losunc, Endre de Dalan, Peuce de Chalan et Gregorio

---