564.
1303. 24. Jun. - Conventus Cruciferorum Strigon. magistrum Zoard ratione terrae Csetreyfölde penes Strigonium ultra Danubium sitae, a Rege sibi collatae, viduas competentes excontentasse testatur.
A. B. C.
Frater nicolaus, magister Domus Hospitalis et Conuentus Cruciferorum ecclesie sancti Regis Stephani de Strigonio, Vniuersis, presentes litteras inspecturis, salutem in domino sempiternam. Ad uniuersorum noticiam, tam presencium, quam futurorum, harum serie uolumus peruenire, Quod cum excellentissimus dominus Ladislaus, dei gracia Rex Hungarie, quandam terram seu possessionem, Chetreyfeulde uocatam, iuxta Danobium ex opposita ville sancti Regis ultra ipsum Danobium existentem, pro meritorijs seruicijs magistri Zoard, nepotis Wech, dedisset et donasset iuxta tenorem sui priuilegij, exinde confecti, eidem magistro Zoard et suis heredibus, ob heredum solacio destitutam; et dominee, videlicet domina Annus, relicta Balasey, ac domina Anna, relicta Gregorij, pretextu dotis ipsarum, et Comes Gerardus, Hermanus, filij Comitis Hermani bone memorie, ac Hermanus, Walterus et Petheu, filij Petri Comitis, filij prefati Hermanij pro prefatis dominabus, sororibus ipsorum, de ipsa terra Chetrey contradixissent publice prohibendo; tandem prefatus magister Zoard pro dote earumdem dominarum racione predicte terre Chetrey uocate eisdem dominabus viginti marcas ex consensu et uoluntate predictorum comitum Gerardij, Hermanij, filiorum Comitis Hermanij felicis recordacionis, ac Waltery, Hermanij et Petheu, filiorum Petri bone memorie, persoluit plene et integre et sic eedem domine, videlicet relicta Balasey et relicta Gregorij, ac Comites Gerardus et Hermanus, Walterus, Hermanus et Petheu predictam terram Chetrey uocatam, cum suis utilitatibus et pertinencijs, antiquis metis circumdatam et uallatam, receptis predictis viginti marcis, dederunt, reliquerunt et contulerunt, ac permiserunt eidem magistro Zoard et suis heredibus, heredumque suorum successoribus, iure perpetuo et irreuocabiliter possidendam, tenendam et habendam; ex permissione et uoluntate omnium fratrum nostrorum, consensum prebentibus (sic) in hoc facto, racione vicinitatis et commetaneitatis prebendo consensum et assensum. In cuius rei memoriam et perpetuam firmitatem, ad peticionem et instanciam parcium predictarum, presentes concessimus, sigilli nostri munimine roboratas. Datum In festo beati Johannis baptiste, Anno domini Myllesimo CCC°. Tercio.
Extus: Super possessione Cheten fewldi. - Sigillum e roseo, violaceo et flavo serico pendet. Orig. pulchre exaratum in Arch. Cap. Strig. publ. Capsa 69. fasc. 15. Nr. 2.