273.
1331. (Nyitra.) 27. Mart. – Capitulum Nitriense, terram Kistúrnye, metis circumscriptam et capitulo Poson. statutam esse, Carolo I. regi rescribit.
Excellentissimo domino suo Karolo, Dei gracia illustri regi Hungarie, capitulum ecclesie Nitriensis, oraciones in Domino tam debitas quam devotas. Litteris vestre excellencie generalibus rehabulatoriis (sic!) pro capitulo ecclesie Posoniensis, cum sumpma qua debuit reverencia receptis, ad reambulandam possessionariam eiusdem ecclesie particulam, iuxta terram castri Posoniensis, Kusthorni vocatam adiacentem, cum Jacobo de Kelethy, homine vestro, discretum virum magistrum Emericum concanonicum nostrum, pro testimonio destinavimus.[165] Qui negocio bene intenti et ad nos reversi concorditer retulerunt: quod die dominica proxime preterita, ad faciem dicte possessionarie particule accedentes, convocatis universis suis commetaneis et vicinis, et specialiter officiale magistri Nicolai comitis Posoniensis, de eadem Kusthurne convocato, eandem reambulassent et metis infrascriptis antiquis ac novis, ab eadem possessione Kustherne limitando separasent, nulloque contradictore aparente et ipso magistro Nicolao comite Posoniensi, ac officiale suo predicto consencientibus, eidem ecclesie Posoniensi statuisset, prout ad eandem pertinere dinosscitur, perpetuo possidendam. Cuius quidem mete hoc ordine distinguntur: incipit prima meta ab oriente iuxta quasdam vias, que per modum crucis simul coniunguntur, penes terram Chanyk nuncupatam, que habitatoribus caret, ubi sunt due antique mete, iuxta quas erecte sunt due nove mete; abhinc progreditur versus plagam occidentalem, et ulterius eundo est una antiqua meta, penes quam est una nova meta erecta; deinde similiter procedendo, ulterius sunt similiter due mete et una nova, subtus arborem quercinam: abhinc procedendo ulterius simili modo sunt due mete, una antiqua et alia nova, sub quadam arbore quercina; deinde procedendo modo prehabito, sunt due mete, una antiqua et una nova, sub quadam arbore pirus (sic!) silvestre; abhinc eundo ulterius iuxta quendam laqum rotundum, sub arbore quercina, est una nova meta; deinde similiter procedendo, due antique mete renovate; abhinc ulterius eundo, similiter subtus unam pirus (sic!) silvestrem est una antiqua meta renovata; item ulterius procedendo, sunt due antique mete renovate; item ulterius eundo, simili modo est una antiqua meta et una renovata; item deinde veniendo ulterius penes ortum ollerum, iuxta fluvium, qui fluit per medium Chukar possessionis ecclesie, est una antiqua meta renovata; deinde transsit ipsum fluvium similiter versus occidentem, et ex alia parte eiusdem, valde prope, sunt due mete antique renovate inter dictam villam ecclesie sancti Salvatoris et parvam villam Thurne, ad castrum Posoniense pertinentem; item abhinc versus montem ascendendo, in radice montis in extremitatibus cuiusdam nave plantacionis vinearum, sunt due antique mete renovate; deinde flectitur aliquantulum versus septemtrionem et itur super unum monticulum eminenciorem aliis ibidem, in cuius vertice est una antiqua meta renovata; abhinc itur similiter versus septemtrionem, transit vales (sic!) et rubetas et venit ad vineas, quas transit sursum, et in superiori parte quarumdam vinearum, penes viam, per quam vina et uvas deferre tempore vindemearum consueverunt, sunt due antique mete renovate, inter dictam villam ecclesie et parvam villam Thorne castri; item abhinc similiter itur sursum in monte, et sic

---

[165] 1331. 24. Mart.