harum serie volumus pervenire: quod nobilis vir magister Stephanus, castellanus de Wysegrad, dilectus et fidelis noster, ad nostram personaliter accedens presenciam exhibuit nobis privilegium serenissimi principis, domini nostri domini Karoli, per eandem incliti regis Hungarie, carissimi consortis nostri, super donacione cuiusdam possessionis, Nyrmal vocate, in comitatu Strigoniensi existentis confectum, petens nos humili precum instancia, ut ipsum privilegium renovare, ratificare, approbare, nostrisque litteris privilegialibus, de benignitate reginali, confirmare dignaremur. Cuius quidem privilegii tenor talis est:
Sequitur privilegium Caroli I. regis de a. 1326.[166] superius sub nr. 146. ex originali exhibitum.
Itaque nos peticionibus eiusdem magistri Stephani iustis, ac iuri consonis, favorabiliter inclinati, revocatisque in memoriam fidelitatum obsequiosis meritis ipsius magistri Stephani, quibus a toto eo tempore, quo dominus noster rex ad serenissimum culmem regiminis Hungarici, volente Domino, accessit gubernandum, unacum eodem domino nostro rege, hoc regnum intrando in legacionibus suis diversis, novem vicibus ad partes ultra marinas destinatus, quo fideliter eo sollerter, negocia ipsius domini nostri regis ibidem promovendo et fidelitatis commendabilem prerogativam pro suis consortibus sorciendo, ipsi regie maiestati et nobis studuit complacere et reddere se graciosum adeo, ut animus ipsius domini regis in serviciis suis, que prolixa ad narrandum et presentibus foret inseri tediosum, mitissime conquievit, volentes pro tot et tantis serviciis eiusdem magistri Stephani reginali eidem occurrere cum favore, predictum privilegium, non abrasum, non cancellatum, nec in aliqua sui parte suspectum, presentibus de verbo ad verbum insertum, ratificamus, approbamus, et presentis scripti patrocinio confirmamus. In cuius rei memoriam, perpetuamque firmitatem, presentes concessimus litteras privilegiales autentici sigilli nostri dupplis (sic!) munimine roboratas. Datum, per manus venerabilis in Christo patris domini Herrici, Dei gracia episcopi Wesprimiensis, aule nostre cancellarii, dilecti et fidelis nostri, anno Domini M CCC XXX primo, quinto nonas Maii.
Fragmen sigilli duplicis e rubro et viridi serico pendet. – Orig. membran., in Arch. Cap. Strigon. Priv. Lad. 29. fasc. 1, nr. 7. – Edid. Fejér: Cod. Dipl. VIII. 535.

278.
1331. Visegrád. 3. Maii. – Carolus I. rex, statutionem possessionis Kisturnye, alias Csukárd, capitulo Posoniens. factam, confirmat.
Nos Karolus, Dei gracia rex Hungarie, memorie commendantes tenore presencium, quibus expedit, significamus universis: quod cum nos ad instanciam et peticionem honorabilis capituli ecclesie Posoniensis, fidelium nostrorum, fidelibus nostris capitulo ecclesie Nytriensis, litteris nostris generalibus reambulatoriis graciose eis per nos concessis, ut ipsi mitterent suum hominem ydoneum pro testimonio, quo presente Jacobus de Kelethy, homo noster, accederet ad faciem particule possessionarie iuxta terram castri Posoniensis adiacentis, Kusthorny vocate, vicinisque et commetaneis eiusdem convocatis reambularet ipsam, per veras metas et antiquas, ubi necesse foret iuxta veteres novas metas erigendo, separaret et distingueret a possessionibus aliorum, eandemque eo iure et eo titulo,

[166] 1326. 30. Aug.