quo ipsius ecclesie et capituli Posoniensis fuisse dignoscitur, relinqueret eidem ecclesie et capitulo perpetuo possidendam, si non fieret contradictum; contradictoribus, si qui fierent, contra idem capitulum ad nostram presenciam ad terminum competentem legitime evocatis, dedissemus in mandatis. Tandem iidem fideles nostri, capitulum videlicet Nytriensis, ecclesie nobis rescripserunt in hec verba:
Tenor literarum superius sub nr. 273. ex ipso orig. edito omnino consons.[167]
Nos siquidem ex relacione predictorum capituli Nitriensis, fidelium nostrorum, sic lucide informati, cognoscentes prefatam possessionariam particulam iuxta terram castri Posoniensis, Kusthorne vocatam habitam, ad ipsam ecclesiam et capitulum Posoniense de iure pertinere, eo quod tam in ereccione metarum, quam in statucione eiusdem particule possessionis ipsi ecclesie et capitulo Posoniensi facta., nullius contradiccio obviavit, eandem possessionariam terre particulam, sub metis et terminis prescriptis, eatenus quatenus primitus ad ipsam ecclesiam et capitulum Posoniense pertinuisse dinoscitur, eisdem perpetuo possidere, tenere et habere confirmamus, promittentes ut dum presentes nobis fuerint reportate, in formam privilegii nostri redigi faciemus. Datum, in Wyssegrad, in festo Invencionis Sancte Crucis, anno Domini M-o CCC-o XXX-mo primo.
Sigillum tergo fuit appressum. – Orig. membran., in Arch. Cap. Poson. Priv. Capsa D. fasc. 2. nr. 23. et 24.

279.
1331. (Esztergom.) 8. Maii. – Magistratus Strigon., comitem Egidium de Bajon, Berchtoldo medico regis, vineam Borkúta, quinquaginta marcis vendidisse testatur.
Edid. Cod. Andegav. T. II. p. 528.

280.
1331. – 11. Maii. – Fr. Joannes, abbas B. Mariae Virg. de Scepus contestat, quod Jacobus et Hank, filii Arnoldi, nobiles de Gargou, una cum famulo suo dicto Both, feria VI., proxima post festum Ascensionis Domini, clara die, ad domum magistri Christophori lectoris, armata manu intravissent et eum interfecissent.
Ed. Wagner: Anacleta Scepus. T. I. p. 316. – Fejér: Cod. Dipl. VIII/3. p. 554.

281.
1331. (Esztergom.) 14. Maii. – Capitulum Strigoniense, ad mandatum Caroli I. regis, pro Michaele, praeposito monasterii S. Reg. Stephani de Bozók, populos de Mizmenelő, de Palast et de Zalatna, ab usu et utilitatum perceptione possessionis monasterii Zamar; item eosdem, ac populos de Domanig theutonicali et de Némethi, ab usu possessionis Tót-Domanig, prohibuissent.
Ed. Cod. Andegav. T. II. p. 534.

282.
1331. (Nyitra.) 6. Junii. – Capitulum Nitriense, Carolo 1. regi, seriem inquisitionis, contra Nicolaum dictum Csuka, vicecomitem Nitriensem, in fecto potentiali in familiares praepositi de Turocz patrato, rescribit.
Ed. Cod. Andegav. T. II. p. 538.

---

[167] 1331. 27. Mart.