particule terre, per comitem Petrum de Palast a possessione monasterii sancti Benedicti, Koachy vocata, tempore Mathei de Trinchinio et ipsius potencie excise et abstracte, ubi meta eiusdem monasterii ab antiquo semper fuerat, ut superius in vestris literis declaratur, vicinis et commetaneis predicte ville Koachy universis inibi legittime convocatis accedentes, prefatum comitem Petrum, famulos et iobagiones suos universos de sepedicta Nemchen, ab occupacione et detencione memorate particule terre, indebita usuum, fructuum et quarumlibet utilitatum percepcione violenta, auctoritate vestra regia prohibuissent. Sepe recitate vero mete destructionem et prebabite terre occupacionem violentam, se vidisse asseruerunt fide oculata. Datum, feria quarta proxima post predictum festum Nativitatis beati Johannis Baptiste, anno Domini prenotato.
Extus: Domino regi, pro domino fratre Syffrido abate monasterii Sancti Benedicti de iuxta Goron et suo conventu, contra comitem Petrum fratrem Bors de Palast, famulos et iobagiones suos universos de Nemchen, super principalis mete destruccione et particula terre excise et abstracte, ad possessionem eiusdem monasterii Koachy vocata pertinente, prohibitoria.
Sigillum margini exter. fuit appressum. – Orig. membran., in Arch. Capit. Strigon. Priv. Lad. 2. fasc. 1. nr. 6.

285.
1331. (Esztergom.) 13. Jul. – Magistratus Strigon., Stephanum civem Strigon., magistro Thoma, castellano de Csókakő et Gesztes, palatium suum Zenye palotája dictum, cessisse ac vendidisse testatur.
Edid. Cod. Andegav. T. II. p. 541.

286.
1331. Esztergom 26. Julii. – Nuntii apostolici et collectores Joannis PP. XXII., necnon Chanadinus archieppus clerum, Hungariae pro tractanda mandata apostolica, in octavis festi S. Stephani regis, Budam congregatos esse volunt.
Jacobus Berengari, operarius monasterii Crassensis et Raimundus de Bonofato, rector ecclesie oratorii sancti Michaelis, Carcassonensis et Lemovicensis diocesium, sedisque apostolice nuncii et collectores, ad regnum Vngarie destinati; necnon Chanedinus, Dei et apostolice sedis gracia archiepiscopus Strigoniensis: Reverendis in Christo patribus, ac venerabilibus et discretis viris dominis episcopis, electis abbatibus, prioribus, decanis, prepositis, archidiaconis, plebanis, archipresbiteris et aliis ecclesiarum prelatis et rectoribus, capitulis quoque, collegiis seu conventibus Cisterciensis, Cluniacensis, Premonstratensis, Grandimontensis, Cartusiensis, Vallis Umbrose Camaldulensis, Sanctorum Benedicti et Augustini et aliorum ordinum, ceterisque personis ecclesiasticis, tam secularibus quam regularibus, exemptis et non exemptis, Sancti Johannis Jerosolimitani, Beate Marie Teutonicorum, Calatravensis et higlliatorum (sic!) magistris, prioribus et preceptoribus, eorumque loca tenentibus, in Strigoniensi provincia constitutis, et omnibus aliis, aliis et singulis, quorum interest et ad quos presentes littere pervenerint, et eorum cuilibet, salutem et mandatis nostris, ymo veritis apostolicis, firmiter cum debita reverencia obedire. Reverendam paternitatem et discrecionem vestram volumus non latere, ymo ad ipsius noticiam produci cordialiter affectamus, nos nuncios et collectores predictos, de expresso sedis apostolice