ordinarie subesse noveritis, et tam exemptos eciam, quam alios non exemptos, monere eciam personaliter et citare, ut ad dictos diem et locum nobiscum comparere procurent, facturi quod super predictis fuerit, racionis precaventes si placet; ne propter nostri et vestri deffectum, ipsa sancta sedes, contra nos aliquathenus indignetur, nec pretextu eorumdem ipsi domini nuncii et nobis, contra vos habeatis materiam procedendi. Diem autem et formam citacionum predictarum et quicquid (expunct.: autem) super predictis respondendum et aliter agendum, vos et ipsi duxeritis nobis et dictis nunciis, per vestras litteras sigillis vestris munitas, vel alias legitime intimare procuretis. In quorum omnium testimonium et certitudinem pleniorem, nos nuncii et collectores, ac archiepiscopus prefati, sigilla nostra presentibus litteris apponi fecimus et appendi. Actum et datum Strigonii, in domo archiepiscopali, XXVI die mensis Julii, anno a Nativitate Christi Millesimo trecentesimo tricesimo primo, indiccione XIIII, pontificatus dicti domini nostri pape anno XVI.
Tria sigilla e zona membr. pendebant. – Orig. membr., in Arch. Cap. Vesprimien. Priv. Lad. 4. Szaladiens. cottus decim.

287.
1331. (Szepeshely.) 27. Julii. – Capitulum Scepusiense, controversiam de metis, inter Matheum, filium Jekkel de Gilnicz, ac religiosos fratres Carthus. de Lapide Refugii, pacifice compositam esse, testatur.
Ed. Fejér: Cod. Dipl. VIII/3. p. 555.

288.
1331. Visegrád. 27. Julii. – Carolus I. rex, magistro Thomae, castellano de Csókakő et Gesztes, palatium Zenye palotája dictum, quod a comite Stephano cive Strig. emerat, eidem ex parte quoque sua confert.
Nos Karolus, Dei gracia rex Hungarie, memorie conmendantes significamus tenore presencium, quibus expedit universis: quod comite Stephano, fratre Colomani, cive de Strigonio ab una, magistro Thoma, filio Petri Magni, castellano de Chokakw et de Geztus, fidelibus nostris, parte ab altera, coram nobis propriis eorum in personis constitutis, idem comes Stephanus dixit et confessus est coram nobis, oraculo vive vocis, quoddam pallacium suum, olim Zenie Palataya vocatum, cum omnibus utilitatibus et pertinenciis suis universis, in medio civitatis nostre Strigoniensis, prope locum fori, iuxta parvum Danubium, in vicinitate domorum Petri carnificis, dicti Wkur, a parte septemtrionali, et Jekkul fili Ludueg a parte meridionali existentes et habitum, quondam per magistrum Vgrinum filium Pous, coraiti Waltero, quondam rectori novi montis Pestiensis, pro debito quadraginta tunellarum vini, ac viginti quinque marcarum fini argenti, ordine iudiciario iure (sic!) et legitime devolutum, et per duos discretos viros, scilicet canonicos et socios honorabilis capituli ecclesie Strigoniensis, de mandato et precepto serenissimi principis domini Ladizlai, quondam incliti regis Hungarie, felicis recordacionis, progenitoris nostri, ad manus eiusdem comitis Walteri legittime, nullo contradicente assignatum, prout in privilegialibus litteris iamdicti capituli,

---