par, quod literis incisis, in flne signatum est, in modica solum parte exarsit, sicque textus ex utroque bene combinari potuit. – Sigillum in primo exemplari e rubro, in secundo autem e rubro et viridi serico pendet. – In Arch. Primat. Secul. Lad. A. nr. 37. – Edid. Fejér: Cod. Dipl. VIII/3. 551.

293.
1331. (Esztergom.) 19. Oct. – Magistratus Strigon., Andream Capo, domos suos Stephano castellano de Csókakő, vendidisse testatur.
Edid. Cod. Andegav. T. II. p. 569.

294.
1331. Avignon. 22. Nov. – Joannes PP. XXII., Chanadino archiepiscopo Strigoniensi concedit, ut confessor semel eum, a sententiis canonicis, absolvere possit.
Ed. Theiner: Monumenta Hung. Hist. T. I. p. 545.

295.
1331. Avignon. 1. Dec. – Joannes PP. XXII., bona alicnata archiepiscopatus Strigon., per episcopum Vesprimiensem, revocari jubet.
Johannes, episcopus servus servorum Dei, venerabili fratri . . . episcopo Vesprimiensi, salutem et apostolicam benedictionem. Ad audientiam nostram pervenit, quod tam venerabilis frater noster Chenadinus, archiepiscopus Strigoniensis, quam predecessores sui archiepiscopi Strigonienses, qui fuerunt pro tempore, decimas, terras, domos, vineas, possessiones, villas, redditus, census, prata, pascua, nemora, molendina, iura, iurisdicciones et quedam alia bona, ad mensam suam archiepiscopalem spectancia, datis super hoc litteris, confectis exinde publicis instrumentis, interpositis iuramentis, factis renunciationibus et penis adiectis, in gravem eiusdem mense lesionem, nonnullis clericis et laicis, aliquibus eorum ad vitam, quibusdam vero ad non modicum tempus, et aliis perpetuo ad firmam, vel sub censu annuo concesserunt, quorum aliqui dicuntur super hys confirmacionis litteras in forma communi a sede apostolica impetrasse. Quia vero nostra interest super hoc de oportuno remedio providere, fraternitati tue per apostolica scripta mandamus, quatinus ea, que de bonis predicte mense per concessiones huiusmodi alienata inveneris illicite vel distracta, non obstantibus litteris, instrumentis, renuntiationibus, iuramentis, penis et confirmationibus supradictis, ad ius et proprietatem eiusdem mense legitime revocare procures. Contradictores per censuram ecclesiasticam, appellatione postposita, compescendo. Testes autem, qui fuerint nominati, si se gratia, odio, vel timore subtraxerint, censura simili, appellatione cessante, compellas veritati testimonium perhibere. Datum Auinione, Kalendis Decembris, pontificatus nostri anno sexto decimo.
Bulla e cannabi pendet. – Orig. in Arch. Cap. Strigon. Priv. Ladula 44. fasc. 2. nr. 2. – Hoc idem mandatur et episcopo Agriensi tenore omnino simili. Ibidem. nr. 1.; et a. 1333. 3. Jul. archiepiscopo Colocensi. Ibidem. Lad. 49. fasc. 1. nr. 13.