296.
1331, – – Capitulum Agriense testamentum Ladislai, quondam praepositi majoris ecclesiae Strigon., transscribit.
Omnibus Christi fidelibus, tam presentibus quam futuris, presens scriptum inspecturis, capitulum ecclesie Agriensis, salutem in salutis largitore. Ad universorum noticiam tenore presencium volumus pervenire: quod discretus vir et honestus, magister Petrus archydiaconus de Sombon et concanonicus noster, ac cancellarius venerabilis in Christo patris domini Cha(nadini), Dei et apostolica gracia archyepiscopi sancte Strigoniensis ecclesie, locique eiusdem comitis perpetui, necnon canonicus eiusdem ecclesie Strigoniensis, pro se et pro honorabili capitulo prefate ecclesie Strigoniensis, ad nostram personaliter accedendo personaliter accedendo (sic!) presenciam, exhybuit nobis quasdam litteras patentes, super facto testandi L.(adislai), quondam prepositi prenotate ecclesie Strigoniensis, bone memorie, per eundem L. prepositum in eulogio ultime sue voluntatis conditi et ordinati, confectas, petens nos suo et nomine dicti capituli cum instancia, ut totam seriem earumdem nostro inseri faceremus privilegio. Quarum quidem tenor talis est:
Sequitur testamentum Ladislai praepositi a. 1277.[179] conditum, et ex hoc ipso transsumpto edit. T. II. p. 71. nr. 54.
Nos igitur legitimis peticionibus eiusdem capituli Strigoniensis et iusticie annuentes, dictas literas, per prefatum magistrum Petrum, modo premisso nobis exhybitas, in nulla sui parte viciatas, de verbo ad verbum rescribi facientes, nostro presenti inseri fecimus privilegio. In cuius rei testimonium, perpetuamque firmitatem presentes contulimus litteras, sygilli nostri pendentis munimine roboratas. Presentibus tamen Petro preposito, Nicolao lectore, Martino cantore, Johanne custode, dominis Dominico de Wyvar, Petro de Zemlyn, Laurencio de Kemey, item prelibato Petro de Sombon, David de Zobouch, Georgio de Maramoros archydiaconis et aliis multis. Anno Domini Millesimo trecentesimo tricesymo primo. Regnante Karolo illustri rege Hungarie, Chanadyno Strigoniensi, Lad(islao) Colocensi archiepiscopis, et domino nostro venerabili patre Nicolao, Dei et apostolica gracia episcopo Agriensi, existentibus.
Sigillum e flavo serico pendebat. – Orig. membr., in Arch. Cap. Strigon. Priv. Lad. 19. fasc. 1. nr. 8.

297.
1332. Tessin. 12. Febr. – Prothus, praepositus de Domo Dei, seu Czarnowasensis, iurisdictionem parochiarum Podolin, Gnézda et Lublo, contra archiepiscopum Strigoniensem et praepositum Scepusiensem, episcopo Cracoviensi adiudicat.
Edid. Piekosinski: Kodeks Dyplomat. Katedry Krakowskiej S. Waclawa. Mon. Polon. Med. Aevi. T. I. p, 190 et sq. – Wagner: Analecta Scepus. P. III. p. 24 et squ. – Commem. paucis Fejér: Cod. Dipl. VIII/3. p. 638 et sq. Habetur copia, huius litis, per Jacobum Blassinszky, lectorem capit. Cracoviens., ex libro privilegiorum capit. eccl. Cracov. desumpia et transscripta, in consistorio collacionata a. 1648, in Arch. Primat. Eccl. Vet. nr. 58.

[179] 1277. 3. Mart.