298.
1332. Avignon. 24. Febr. – Cum magistro Andrea de Eugubio physico dispensatur, ne ad sacros ordines se facere promoveri, usque ad triennium teneatur.
"Carissimi in Christo filii nostri, Caroli Regis Ungarie Illustris, pro te phisico suo nobis – supplicantis – – – tecum, ut dicti Regis obsequiis insistendo, ratione plebanatus plebis de Potock, Strigoniensis diocesis, cui cura imminet animarum, quemque obtines, usque ad triennium ad diaconatus et presbiteratus ordines promoveri, dummodo infra annum te facias, si forsitan nondum es promotus, ad subdiaconatus ordinem promoveri, quodque ad residendum interim in plebe predicta minime tenearis, – – – de speciali gratia dispensamus. Datum Avenione, VII. Id. Marcii. Anno Sextodecimo."
Ed. Theiner; Monumenta Hung, Hist. T. I. p, 547.

299.
1332. (Pozsony.) 1. Mart. – Capitulum Posoniense, Joannem de Körtvélyes, tertiam partem possessionis suae, Thomae consobrino suo donasse, perhibet.
Universis Christi fidelibus, presentem paginam inspecturis, capitulum ecclesie Posoniensis salutem, in eo qui salutis est origo. Ad universorum noticiam, tam presencium quam futurorum, harum serie volumus pervenire: quod Johannes, filius Hencz nobilis dicti de Kurthuelyus, personaliter coram nobis constitutus, ministerio vive vocis, terciam partem possessionis sue hereditarie, similiter Kurthuelyus vocate, Thome filio Chathov, qui eciam presencialiter aderat, consubrino suo et proximo sibi dilecto, tamdiu donec sibi, videlicet Thome, vita socia permanebit, cum omnibus utilitatibus et pertinenciis dicte tercie partis ipsius possessionis dedit, tradidit et donavit, irrevocabiliter possidendam, pacifice et quiete tenendam, pariter et habendam. Que quidem tercia pars ipsius possessionis sic, racione proximitatis, per ipsum Johannem, dicto Thome data, pariter et donata si, quod absit, ipsum Thomam mori contingerit, eidem Johanni iure perpetuo possidenda revolvetur. In cuius rei memoriam et maiorem firmitatem presentes, nostro sigillo consignando, eidem Thome duximus concedendas. Datum, in Dominica Esto mihi, anno Domini M-o CCC-o tricesimo secundo.
A. B. C.
Sigillum e serico albo pendet. – Orig. membran., in Arch. Cap. Poson. Publ. Capsa 14. fasc. 10. nr. 20.

300.
1332. Esztergom. 8. Mart. – Magistratus civitatis Strigon., Berchtoldum medicum regis, magistro Thomae, castellano de Csókakő et Gesztes, vineam Borkút vocatam vendidisse testatur.
Edid. Cod. Andegav. T. II. p. 581 et sq.

---