301.
1332. (Esztergom.) 8. Mart. – Magistratus civit. Strigon., recapitulans totam seriem facti, magistrum Berchtoldum, vineam suam a Carolo I. rege ei donatam, magistro Thomae vendidisse, testatur.
Comes Nicolaus, filius Balduini iudex, comes Stephanus filius Godini, comes Nicolaus filius Michaelis, magister Georgius filius Rubini, Stephanus filius Gilethii, magister Thomas filius Kunchel, Stephanus filius Hermany, magister Anda, comes Valentinus, Stephanus filius Hurricy et comes Stephanus filius Nigram (sic!) iurati, ceterique cives de Strigonio, omnibus Christi fidelibus, presentes litteras inspecturis, salutem in salutis largitore. Quia res gesta labitur a memoria, quam non serenat lucida series litterarum, proinde ad universorum noticiam, tam presencium quam futurorum, harum serie volumus pervenire: quod vir providus et honestus, magister Perettoldus, ciroicus excellentissimi domini nostri regis Karoli, noster socius et concivis, domina Elisabeth consors sua, Johannes uterque et Nicolaus, filii eiusdem, ab una parte: ac vir nobilis et honestus magister Thomas, filius Petri, castellanus de Chokakeu et de Kezthes ex altera, coram nobis personaliter constituti, ydem magister Perettoldus, domina consors sua et filii sui predicti exhibuerunt nobis quasdam litteras privilegiales, sigillo nostro duplici sigillatas, hunc tenorem continentes:
Comes Petheu iudex civitatis, comes Gehan filius Mauricii, comes Nicolaus filius Michaelis, comes St(ephanus) filius Godini, Nicolaus filius Baldini, St(ephanus) filius Gilethii, magister Thomas filius Kunchel, Stephanus filius Hermani, comes Valentinus, Georgius filius Robini, St(ephanus) filius Hurnici, magister Anda mercator, et Stephanus filius Nigram iurati, ceterique cives de Strigonio, universis Christi fidelibus, presentes litteras inspecturis, salutem in salutis largitore. Ad universorum noticiam, tam presencium quam futurorum, harum serie volumus pervenire: quod providus vir et honestus magister Perettoldus, medicus excellentissimi principis domini nostri Karoli, Dei gracia regis Hungarie, ad nostram accedendo personaliter presenciam, exibuit nobis quasdam litteras clausas eiusdem domini nostri regis, sub sigillo anuleo sub hac forma:
Karolus, Dei gracia rex Hungarie, fideli suo Petheu iudici, iuratis civibus et universis hospitibus de Strigonio, salutem et graciam. Fidelitati vestre firmiter precipiendo damus in mandatis, quatenus super possessionibus, quas magistro Perettoldo, medico nostro fideli, in medio vestri dedimus et contulimus, scilicet fundo curie pallacii, seu domibus, vineis vel aliis utilitatibus, eidem magistro Perettoldo litteras vestras privilegiales, scilicet litteras civitatis dare et conferre debeatis, et eidem in omnibus iusticiam, prout decet concivi vestro, observetis; aliud nullatenus facere presummatis. Item volumus, quod eciam alteram vineam, sibi attinentem, que nondum est sibi statuta, eidem statuatis. Datum, in alto castro, in dominica proxima post festum beati Barnabe apostoli, anno Domini millesimo CCC-o tricesimo.[180]
Exibuit eciam litteras privilegiales, dicti domini nostri regis, hunc tenorem continentes:
Karolus, Dei gracia Hungarie, Dalmacie, Groacie, Rame, Seruie, Gallicie, Lodomerie, Cumanie, Bulgarieque rex, princeps Salernitanus et Honoris, montis sancti Angeli dominus. Omnibus Christi fidelibus, presentibus et futuris, presencium noticiam habituris, salutem in omnium Salvatore. Ad hoc celsitudini

[180] 1330. 17. Jun.