Nos vero, visis et perlectis dictis litteris clausis, nobis destinatis, et privilegii antedicti tenore intellecto, in omnibus preceptis et mandatis eiusdem domini nostri regis obedire cupientes, ut tenemur, tandem predictarum litterarum clausarum et privilegialium, domini nostri regis memorati, tenorem nostris litteris privilegialibus, de verbo ad verbum, inseri fecimus diligenter, et pallacium ac domos, cum fundo curie in medio nostri existentes, simul cum vineys in territorio Strigoniensi existentibus, olym Petri filii Martiny, iuxta donacionem eiusdem domini nostri regis, et secundum libertatem civitatis ab antiquo constitutam, in manus prefati magistri Perettoldi, medici domini nostri regis, duximus statuendas. In cuius rei memoriam, perpetuamque firmitatem presentes concessimus duplicis sigilli nostri munimine roboratas. Datum, in octa-vis sancti regis Ladislai, anno Domini M-o CCC-o XXX-mo.[182]
Hoc eciam declaramus, et per presentes volumus fieri manifestum: quod eodem die et termino, quo predicte littere privilegiales, per magistrum Perettoldum et suos, nobis fuerunt exibite seu presentate, modo superius prenotato, ydem magister Perettoldus, domina consors sua et filii sui superius expressi seu nominati, similiter coram nobis astantes propris (sic!) in personis, quandam vineam ipsorum, Burkuth vocatam, ex donacione domini nostri regis Karoli ipsi magistro Perettoldo datam et donatam, in territorio Strigoniensi, videlicet in terra Strigoniensis ecclesie capituli sitam, retro ecclesiam sancti Dominici confessoris, in vicinitate vinearum comitis St(ephani), filii Nigram, a parte septemtrionis, et magistri Gehan pistoris, a placa (sic!) orientis existentem et contiguam, cum omnibus utilitatibus ad eandem pertinentibus, de bona voluntate et ex permissione vicinorum suorum superius expressorum, dixerunt, aseruerunt et confessi sunt, oraculo vive vocis, dedisse seu vendidisse, prefato nobili viro, magistro Thome, similiter coram nobis personaliter astanti, centum marcis grossorum denariorum, plene habitis et receptis ab eodem, et per ipsum magistrum Thomam suis heredibus; heredumque suorum successoribus, iure perpetuo et irrevocabiliter possidendam, tenendam, nec non pariter et habendam, contradictore nullo penitus aparente, seu existente nostri in presencia. Et quia predictum privilegium, per magistrum Perettoldum nobis presentatum, ceteras alias possessiones; videlicet domos et pallacium, ac fundum curie, per dominum regem sibi datas et donatas, in se continebat, pro quo predictas litteras ad manus Thome asignare nequivisset, ne ipsis domibus et pallacio magister Perettoldus, et sui filii privarentur, tenorem earumdem presentibus litteris privilegialibus inseri fecerunt pro eodem, maiorem ad cautelam. Insuper predictus magister Perettoldus et sui filii, superius expressi ac nominati, tam per se quam per suos firmiter et solempniter asumpserunt, ut si qui ullo umquam tempore predictum nobilem virum, magistrum Thomam et suos heredes seu successores, racione premisse vinee inquietare et molestare volentibus, expedire et liberare ipsorum laboribus propriis et expensis. In cuius rei memoriam, perpetuamque firmitatem, ad instantes peticiones parcium premissarum, presentes concessimus, duplicis sigilli nostri munimine roboratas. Datum, in dominica Invocavit, anno Domini Millesimo trecentesimo tricesimo secundo.
Extus manu medii aevi: Super vinea de Strigonio, quam a Perihtoldo cirolico, pro centum marcis comparavi – que vinea Burkuth vocatur. – Sigillum e flavo et rubro serico pendebat. – Orig. in Arch. Capit. Strigon. Publ. Capsa 69. fasc. 15. nr. 9.

[182] 1330. 4. Julii.