quartarum suarum indebite perturbarent et de eisdem pro se ipsis usurparent. Super quo nostre paternitati humiliter et devote, precum cum instancia, supplicarunt, ut eisdem et ecclesie eorum cum paternali remedio occurrere intenderemus et prenominatis quartis ipsorum cum paternali favore confirmare dignaremur. Et quia nostre paternitati de prenominatis quartis et magistratus veritas non constabat, venerabilem in Christo patrem dominum Nicolaum, eadem gracia episcopum Agriensem, quondam prepositum predicte ecclesie Posoniensis, requisitum habuissemus, utrum tempore sue prepositure, cum in eadem ecclesia presedisset, dictas quartas ipsi canonici possidendo percepissent, vel ne, nostram paternitatem per suam conscienciam, Deo debitam, informaret. Per cuius veridica informacione, necnon eciam per plebanos et rectores ecclesiarum, ad predicta castra pertinentes percepimus, ut a multis temporibus, cuius memoria distaret eisdem, ipsas quartas idem canonici et capitulum pacifice possedissent et percepissent et multociens ab ipsis canonicys, pro sumpma quantitatis pecunie conduxissent. Unde cum nos habita huiusmodi veritate, super premissis quartis et sufficienter approbatis, supplicacionibusque predictorum dominorum canonicorum, tamquam membro ecclesie nostre, paternaliter inclinati, prout nostre incumbit officio pastorali, prenominatas quartas, ad districtus castrorum, scilicet de Stompha, de Deuen, de Bozin, de Sancto Georgio; item villarum de Reche, de Prachan, et de Juany; item de Sancto Andrea de Palazoukuz, ac de Ilka; necnon villarum de Pruk, Eburhart et de Wilk, in maiori et minori comitatus Posoniensis existenses, eisdem cum universis suis iuribus et pertinenciis, ac utilitatibus earumdem, de novo paternaliter duximus confirmandas et patrocinio litterarum nostrarum roborandas; committentes nostris decimatoribus, nunc pro tempore constitutis, vel in futurum constituendis, ut quartas prefatarum decimarum nostrarum, ipsum capitulum tangentes, ipsis et eorum procuratoribus plene et integre dare et exigere permittant; qui si secus facerent in premissis, indignacionem omnipotentis Dei, beatorumque Petri et (expunct.: apostoli) Pauli apostolorum, necnon beatissimi Adalberti martiris, (expunct.: patroni) nostri, incurrant eo facto. In cuius rei testimonium presentes concessimus cum pendenti sigillo nostro munimine roboratas. Datum Strigonii, tercio die festi beati Georgii martiris, anno Domini M-o CCC-mo XXX-mo secundo.
Sigillum e viridi serico pendebat. – Orig. membran., in Arch. Capit. Strigon. Publ. Capsa 67. fasc. 6. nr. 21. – Attentione dignum est, in literis his, formulam execrationis papalem occurrere.

307.
1332. (Esztergom.) 1. Maii. – Conventus Cruciferorum de Strigonio, transscribit literas super possessione Zalazsony.
Nos conventus cruciferoram, domus hospitalis ecclesie sancti Stephani regis de Strigonio, significamus tenore presencium, quibus expedit universis: quod Demetrius, decanus ecclesie Strigoniensis, vice et nomine capituli ecclesie predicte, ad nostram personaliter accedens presenciam, exhibuit nobis quasdam literas nostras priori et antiquo sigillo nostro consignatas, super terra Zalasun confectas, petens a nobis cum instancia, ut easdem nostro privilegio novo, propter sigilli vetustatem, renovare dignaremur. Quarum tenor talis est: