II.
BOLESLAUS, DUX TOSTENSIS.
1321. Oct. 2. – 1328. Dec.

11.
1321. Avignon. 2. Oct. – Joannes PP. XXII., Boleslaum, scholasticum Cracoviensem, in archiepiscopum Strigoniensem praeficit.
Johannes Episcopus – – Bolezlao, electo Strigoniensi. – – – Dudum siquidem Strigon. ecclesia, per obitum bone memorie Thome archiepiscopi Strigon. pastoris solatio destituta, – – prepositus et capitulum eiusdem ecclesie, vocatis omnibus, qui voluerunt, debuerunt et potuerunt comode interesse, die ad eligendum prefixa, ut moris est, convenientes in unum, et spiritus sancti gratia invocata, post diversos tractatus inter eos habitos, te scholasticum ecclesie Cracoviensis, in diaconatus ordine constitutum, per viam compromissi, in Strigon. archiepiscopum concorditer elegerunt, tuque post consensum huiusmodi electioni, de te habite, ad dictorum prepositi et capituli instantiam legitime prestitum, ad sedem apostolicam personaliter accessisti; et deinde tam tu per teipsum, quam dicti prepositus et capitulum per eorum certos procuratores – – a nobis confirmari electionem huiusmodi, illius nobis presentato decreto, – – postulastis; et quia asseruisti coram nobis, te in veniendo ad dictam sedem, pro confirmatione huiusmodi tue electionis obtinenda, tempora iuxta tenorem constitutionis – – Nicolai Pape III. – – super hoc edite, minime servavisse et per hoc ab omni iure, quod tibi ex electione competebat eadem, cecideras eo ipso, nos electionem ipsam irritam decrevimus et inanem. Postmodum autem, – – attendentes quoque tam concordem dictorum prepositi et capituli voluntatem, quam in eadem electione habuisse noscuniur, quam litterarum scientiam, nobilitatem generis, honestatem morum et vite, aliaque multiplicia tuarum virtutum merita, – – ad te nostre considerationis intuitum duximus dirigendum. Quapropter volentes memorate Strigon. ecclesie salubriter providere – – te illi in archiepiscopum preficimus et pastorem. – – Datum Avinione, VI. Nonas Octobr. Anno sexto.
Eodem die idem significat. Strigon. capitulo, clero, populo, vasallis, et universis suffraganeis. – Regi autem Carolo hunc Boleslaum electum specialiter commendat. Cf. Theiner. Monum. Hist. Eccl. Hung. illustr. T. I. p. 472 et 473.

---