filii Chugud, Blasio, filio Bekud et Nicolao filio Elye, cum suis utilitatibus vendidit, iure perpetuo possidendam et tenendam, eosdem Stephanum, Petrum, Blasium et Nicolaum libere et quiete, cum suis porcionibus, si quas forte in eadem terra habere videretur, emere permisissent. Obligando se, ut quicunque processu temporum eosdem Stephanum, Petrum, Blasium et Nicolaum, aut eorum successores, racione porcionis ipsorum in eadem terra existentis, vellent forsitan molestare, ex tunc iidem Gregorius et Chanka, cum suis successoribus tenerentur expedire propriis laboribus et expensis. In cuius rei testimonium presentes concessimus litteras sigilli nostri munimine roboratas. Datum, feria secunda proxima ante festum b. Jacobi apostoli. Anno Domini M-o CCC-o vigesimo secundo.
A. B. C.
Sigillum e rubro et flavo serico pendet. – Orig. membran. in Archiv. Publ. Cap. Poson. Capsa XIV. fasc. 10. nr. 47. – Extus manus Saec. XVIII. adnot.: Küvesföld.

38.
1322. Temesvár. 3. Aug. – Epistola Caroli I. regis Hungariae, data ad Joannem Superantium, Venetiarum ducem, in causa civitatuum Croatiae et Dalmatiae.
"Quia Civitatibus nostris in terris Croatie et Dalmatie constitutis juvamen et auxilium, quemadmodum per venerabilem in Christo patrem, dominum Boleslaum, miseratione Divina Archiepiscopum Strigoniensem, proximum nostrum charissimum nunciastis, non contra Nos, sed nostri nominis ab honorem amicabiliter prebuistis, et ipsum dominum Archiepiscopum, nostri intuitu, secundum decentiam sue reverentie pertractastis, vobis in gratiarum assurgimus uberes actiones – – Data in Themesuar, tertio nonas Augusti."
Edid. Wenczel G.: Magyar Diplomáciai Emlékek. T. I. p. 224.

39.
1322. Teraesvár. 6. Aug. – Boleslaus, archiepiscopus Strigon., causam Bartholomaei sacerdotis ad novum terminum prorogat.
"quia secundum formam nostri iudicii Bartholomeus sacerdos, capellanus domini regis, contra Petrum sacerdotem, filium Stephani, assercionem suam super facto spoliacionis sue, ablacione duorum equorum suorum, valencium decem marcas et recepcione viginti marcarum suarum, per nos legitime requisitus, probare non assumsit, dictam causam ad octauas Epiphanie domini, proxime venturas, duximus prorogandam – – Datum in Temesvar, feria sexta proxima ante festum beati Laurencii martiris, anno Domini M-o CCC-o XX-o II.
Edid. Cod. Andegav. T. II. p. 41.

40.
(1322.) Esztergom. 9. Aug. – Joannes, cancellarius et in temporalibus procurator generalis, Boleslai archiepiscopi Strigon., praebendas, per mortem Pauli canonici, in ecclesia Strigon. vacantes, dispositioni suae comittendas, ab archiepiscopo rogat.
Venerabili in Christo patri domino B.(oleslao), Dei et apostolice sedis gracia archiepiscopo Strigoniensi, locique eiusdem comiti perpetuo, duci Tostensi,

---