habenda sit in nostris mentio specialis. Ceterum volumus et apostolica auctoritate decernimus, quod quilibet vestrum prosequi valeat articulum etiam per alium inchoatum, quamvis idem inchoans nullo fuerit impedimento canonico prepeditus, quodque a data presentium sit vobis et unicuique vestrum in premissis omnibus et singulis ceptis et non ceptis presentibus et futuris perpetuata potestas et iurisdictio attributa, ut eo vigore eaque firmitate possitis in premissis omnibus ceptis et non ceptis presentibus et futuris et pro predictis procedere ac si predicta omnia et singula coram vobis cepta fuissent et iurisdictio vestra et cuiuslibet vestrum in predictis omnibus et singulis per citationem vel modum alium perpetuata legitime extitisset constitutione predicta super conservatoribus et alia qualibet in contrarium edita non obstante presentibus post biennium minime valituris. Datum Avinione IIII Kal Februar pontificatus nostri anno decimo.

39.
1352. március 16.

A pécsi káptalan Tamás mester pécsi kanonok kérésére átírja saját 1313. május 2-án kelt zárt alakú oklevelét.

Hártya, 325 x 60 mm. Hátlapra nyomott pecsét nyoma, valamint újkori tartalmi összefoglaló és levéltári jelzetek. Eszt. kpt. olt. 1-5-14 KML (DF 208 490).

Nos, capitulum Quinqueecclesiense memorie commendamus, quod discretus vir, magister Thomas, rector ecclesie Beati Bartholomei apostoli, socius et concanonicus noster in personis filiorum Andree, filii Stephani dicti Zakalus de Karan ad nostram accedendo presenciam exhibuit nobis duo paria nostrarum clausarum petens nos cum instancia, ut quia propter diuturnam ipsarum litterarum emanacionem de continenciis earundem sibi et dictis filiis Andree non constaret, ideo eadem abcidi et tenorem earundem in forma litterarum nostrarum patencium ipsis dare dignaremur ad cautelam. Quarum unius tenor talis est:[143]
Nos, capitulum Quinqueecclesiense memorie commendamus, quod magister Iacobus, filius comitis Dabramus ab una parte et Stephanus, filius Sandur de Karanfeu ab altera in nostri presencia personaliter constituti propositum extitit per eosdem, quod cum idem magister Iacobus in terra seu in possessione Zenthegyd, quam sibi magister Petrus comes de Barania mediantibus privilegialibus litteris nostris dederat et assignaverat, metas engeret de possessione predicti Stephani Karanfeu dicta, quandam modicam particulam in loco, ubi quidam rivulus progrediens de quodam fluvio Karan dicto et incidit in eundem faciendo parvam insulam, ubi eciam prima meta dicte possessionis Zenthegyud incipit, quam sibi idem magister Iacobus usurpaverat, nunc idem magister Iacobus sibi reliquisset et reliquit coram nobis destruendo metas erectas et alias metas in aliis locis erexisset[144], prout in privilegialibus litteris nostris antedictis plenius vidimus contineri. Datum secundo die festi Beatorum Philippi et Iacobi apostolorum, anno Domini Mo cccmo tredecimo.